ಮೈಸೂರಿನಲ್ಲಿ ಇ-ಖಾತಾ ಹಾಗೂ ಸಿ ಆರ್ ವಿತರಣೆ ಸಂಬಂಧ ಸಾರ್ವಜನಿಕರಿಂದ ಕುಂದು ಕೊರತೆ ಆಲಿಸಿದ ನಂತರ ಮೈಸೂರು ನಗರ ಪಾಲಿಕೆಯ ಆಡಳಿತಾಧಿಕಾರಿ ಹಾಗೂ ಪ್ರಾದೇಶಿಕ ಆಯುಕ್ತ ನಿತೀಶ್ ಪಾಟೀಲ್ ಅವರು ವಾರದೊಳಗೆ ಇ-ಖಾತಾ, ತಿಂಗಳೊಳಗೆ ಸಿ ಆರ್ ನೀಡಬೇಕು, ಒಂದು ವೇಳೆ ನೀಡದಿದ್ದರೆ ತಮ್ಮನ್ನಾಗಲಿ ಅಥವಾ ಪಾಲಿಕೆ ಆಯುಕ್ತೆ ಎಂ. ಕೆ.ಸವಿತಾ ಅವರನ್ನಾಗಲಿ ಭೇಟಿ ಮಾಡಿ ದೂರು ನೀಡಬಹುದು ಎಂದು ಸಲಹೆ ನೀಡಿರುವುದು ಶ್ಲಾಘನೀಯ.
ಇದೇ ಸಂದರ್ಭದಲ್ಲಿ ಮೈಸೂರಿನ ಯರಗನಹಳ್ಳಿಯ ಶಿಕ್ಷಕರ ಬಡಾವಣೆಯ ಸಿ. ಚಾಮೇಗೌಡ ಎಂಬವರು, ಕಳೆದ ಒಂದು ವರ್ಷದಿಂದ ಇ-ಖಾತಾ ನೀಡದೆ ಅಧಿಕಾರಿಗಳು ಅಲೆದಾಡಿಸುತ್ತಿದ್ದಾರೆ ಎಂದು ದೂರು ನೀಡಿದ ನಂತರ, ಸ್ಥಳದ ಸಂಬಂಧಿಸಿದ ಅಧಿಕಾರಿಯನ್ನು ಕರೆಸಿದ ನಿತೀಶ್ ಪಾಟೀಲ್ ಅವರು ಇ-ಖಾತಾ ನೀಡುವಂತೆ ಸೂಚನೆ ನೀಡಿದ ಒಂದು ಗಂಟೆಯೊಳಗೆ ಸಿ.ಚಾಮೇಗೌಡರ ಕೈಸೇರಿದ್ದು ಖುಷಿ ವಿಷಯವಾದರೂ ಒಂದು ವರ್ಷದಿಂದ ಅಲೆದಾಡಿಸಿದ ಅಧಿಕಾರಿಗಳ ಜವಾಬ್ದಾರಿ ಏನು ಎಂಬುದು ಯಕ್ಷಪ್ರಶ್ನೆಯಾಗಿದೆ.
-ಬೆಸಗರಹಳ್ಳಿ ರವಿಪ್ರಸಾದ್, ಮೈಸೂರು
