ಕೆಲವು ದಿನಗಳ ಹಿಂದೆ ನಂಜನಗೂಡು ಪಟ್ಟಣದ ಹೌಸಿಂಗ್ ಬೋರ್ಡ್ ಕಾಲೋನಿಯ ಡಾ. ಅಂಬೇಡ್ಕರ್ ಉದ್ಯಾನವನದಲ್ಲಿ ಅಭಿವೃದ್ಧಿ ಕಾರ್ಯಗಳ ನಿಮಿತ್ತ ಸ್ಥಳೀಯ ಶಾಸಕ ದರ್ಶನ್ ಧ್ರುವ ನಾರಾಯಣ ಆಗಮಿಸಿದ್ದರು. ಸಮಾರಂಭದ ಬಳಿಕ ಸಾರ್ವಜನಿಕರ ಅಹವಾಲುಗಳು ಹಾಗೂ ಕುಂದು ಕೊರತೆಗಳನ್ನು ವಿಚಾರಿಸಿ, ಪರಿಹರಿಸುತ್ತಿದ್ದರು. ಅದೇ ಸಮಯದಲ್ಲಿ ನಾನು ಅವರನ್ನು ಭೇಟಿಯಾಗಿ ನಂಜನಗೂಡಿನ ತಾಲ್ಲೂಕಿನ ಪ್ರತಿಷ್ಠಿತ ಸರ್ಕಾರಿ ಆದರ್ಶ ವಿದ್ಯಾಲಯ ಶಾಲೆ ಬಳಿ ರಸ್ತೆ ಉಬ್ಬು ಹಾಗೂ ಬಸ್ ಶೆಲ್ಟರ್ ನಿರ್ಮಿಸುವ ವಿಚಾರ ಸಂಬಂಧ ಮನವರಿಕೆ ಮಾಡಿದೆ.
ವಿಷಯಕ್ಕೆ ಸ್ಪಂದಿಸಿ ಅದರ ಮರುದಿನವೇ ಶಾಲೆಯ ಬಳಿ ಬ್ಯಾರಿಕೇಡ್ ಅಳವಡಿಸಲಾಗಿದ್ದು, ಇನ್ನೇನು ಕೆಲವೇ ದಿನಗಳಲ್ಲಿ ಅಲ್ಲಿ ರಸ್ತೆ ಉಬ್ಬು ಹಾಗೂ ಬಸ್ ಶೆಲ್ಟರ್ ನಿರ್ಮಾಣ ಆಗಲಿರುವ ಮಾಹಿತಿ ಲಭ್ಯವಾಗಿದೆ.
ದರ್ಶನ್ ಮೊದಲ ಬಾರಿಗೆ ಶಾಸಕರಾಗುತಿದ್ದಂತೆ ಕ್ಷೇತ್ರದಲ್ಲಿ ಬಹುತೇಕ ಸಾರ್ವಜನಿಕರ ಅಭಿಪ್ರಾಯ ರಾಜಕೀಯದಲ್ಲಿ ಅನುಭವ ಇಲ್ಲ, ವಯಸ್ಸು ಕೂಡ ಚಿಕ್ಕದು, ಇವರು ಹೇಗೆ ನಿಭಾಯಿಸಬಲ್ಲರು ಎಂಬುದಾಗಿತ್ತು. ಅವರ ಉತ್ಸಾಹ ಕಾರ್ಯ ನಿರ್ವಹಣೆ, ಪರಿಶ್ರಮವನ್ನು ನೋಡುತ್ತಿದ್ದರೆ ಎಲ್ಲವನ್ನೂ ಸುಳ್ಳು ಮಾಡಿ ಜನರ ನಾಡಿ ಮಿಡಿತ, ಕಷ್ಟ ಕಾರ್ಪಣ್ಯಗಳು ಅಭಿವೃದ್ಧಿ ಕಾರ್ಯ, ಕುಂದು ಕೊರತೆ ಸಂಬಂಧಿಸಿದಂತೆ ನಿರಂತರವಾಗಿ ಕೆಲಸ ಕಾರ್ಯಗಳು ಆಗುತ್ತಿವೆ. ಸಾಮಾನ್ಯ ಜನರ ಕೈಗೂ ಸಿಗುವ ಇವರ ಜನಪರಧೋರಣೆ ನಿಜಕ್ಕೂ ಮೆಚ್ಚುವಂತಹದ್ದು.
– ಅನಿಲ್ ಕುಮಾರ್, ನಂಜನಗೂಡು
