ಕೊಯಂಬತೂರು : ನಟಿ ಸಮಂತಾ ಅವರು ʻದಿ ಫ್ಯಾಮಿಲಿ ಮ್ಯಾನ್’ ಸೀರೀಸ್ನ ನಿರ್ದೇಶಕ ರಾಜ್ ನಿಡಿಮೋರು ಜೊತೆ ಇಂದು ಬೆಳಿಗ್ಗೆ ಇಶಾ ಯೋಗ ಫೌಂಡೇಷನ್ನ ಲಿಂಗ ಭೈರವಿ ದೇವಾಲಯದಲ್ಲಿ ಮದುವೆಯಾಗಿದ್ದಾರೆ.
ಸಮಂತಾ, ೩೮ ವರ್ಷದ ನಟಿ, ೨೦೧೭ರಲ್ಲಿ ನಾಗ ಚೈತನ್ಯ ಜೊತೆ ಮದುವೆಯಾಗಿ ೨೦೨೧ರಲ್ಲಿ ವಿಚ್ಛೇದನ ಪಡೆದಿದ್ದರು. ನಾಗ ಚೈತನ್ಯ ೨೦೨೪ರಲ್ಲಿ ಸೊಭಿತಾ ಧುಲಿಪಾಳ ಜೊತೆ ಮದುವೆಯಾಗಿದ್ದಾರೆ. ಸಮಂತಾ ಇದೀಗ ರಾಜ್ನೊಂದಿಗಿನ ಸಂಬಂಧವನ್ನು ಬಹಿರಂಗಪಡಿಸಿದ್ದಾರೆ. ರಾಜ್ ನಿಡಿಮೋರು (೫೦ ವರ್ಷ), ತಂತ್ರಜ್ಞಾನಿ ಮತ್ತು ನಿರ್ದೇಶಕ, ೨೦೨೨ರಲ್ಲಿ ತನ್ನ ಮೊದಲ ಪತ್ನಿ ಶ್ಯಾಮಲಿ ಡೆ ಜೊತೆ ವಿಚ್ಛೇದನ ಪಡೆದಿದ್ದರು. ಇದು ಇವರಿಬ್ಬರಿಗೂ ಎರಡನೇ ಮದುವೆಯಾಗಿದೆ.
ಇದನ್ನು ಓದಿ: 2030ರೊಳಗೆ ಎಚ್ಐವಿ ನಿರ್ಮೂಲನೆಗೆ ಗುರಿ : ಸಚಿವ ದಿನೇಶ್ ಗುಂಡೂರಾವ್
ಮದುವೆಯು ೩೦ ಮಂದಿಗೆ ಮಾತ್ರ ಸೀಮಿತವಾಗಿತ್ತು. ಸಮಂತಾ ಮರೂನ್ ಸಿಲ್ಕ್ ಸಾರಿ, ಗೋಲ್ಡನ್ ಆಭರಣಗಳೊಂದಿಗೆ ಮಿಂಚಿದರೆ, ರಾಜ್ ಬಿಳಿ ಕುರ್ತಾ-ಪೈಜಾಮಾ ಮತ್ತು ಆರೆಂಜ್ ಜ್ಯಾಕೆಟ್ನಲ್ಲಿ ಕಾಣಿಸಿಕೊಂಡಿದ್ದರು. ಸಮಂತಾ ಇನ್ಸ್ಟಾಗ್ರಾಮ್ನಲ್ಲಿ ಕ್ಯಾಪ್ಷನ್ನೊಂದಿಗೆ ಫೋಟೋಗಳನ್ನು ಶೇರ್ ಮಾಡಿ ಸುದ್ದಿಯನ್ನು ಖಚಿತಪಡಿಸಿದ್ದಾರೆ. ಇದು ‘ಭೂತ ಶುದ್ಧಿ ವಿವಾಹ’ ಆಚರಣೆಯಾಗಿತ್ತು.
ಸಮಂತಾ ಅವರು ಇತ್ತೀಚೆಗೆ ಸಾಕಷ್ಟು ಆರೋಗ್ಯ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಈ ಕಾರಣದಿಂದ ಅವರು ಸಿನಿಮಾ ಮಾಡೋದನ್ನು ಕಡಿಮೆ ಮಾಡಿದ್ದಾರೆ. ಈ ಸಂದರ್ಭದಲ್ಲಿ ಅವರಿಗೆ ರಾಜ್ ಕಡೆಯಿಂದ ಸಾಕಷ್ಟು ಬೆಂಬಲ ಸಿಕ್ಕಿದೆ. ಈ ಗೆಳೆತನ ಪ್ರೀತಿಯಾಗಿ ಬದಲಾಗಿದೆ. ಈಗ ಪ್ರೀತಿಗೆ ಹೊಸ ಅರ್ಥ ಸಿಕ್ಕಿದೆ.
ಸಮಂತಾ-ರಾಜ್ ಈ ಮದುವೆಯ ಮೂಲಕ ಹೊಸ ಅಧ್ಯಾಯ ಆರಂಭಿಸಿದ್ದಾರೆ. ಚಿತ್ರರಂಗದಲ್ಲಿ ಇಂತಹ ‘ಬಿಹೈಂಡ್ ದಿ ಕ್ಯಾಮೆರಾ’ ರೊಮ್ಯಾನ್ಸ್ ಅಪರೂಪ. ಫ್ಯಾನ್ಗಳು ಅಭಿನಂದನೆಗಳನ್ನು ಹೇಳಿ, ಭವಿಷ್ಯದ ಯೋಜನೆಗಳ ಬಗ್ಗೆ ಕುತೂಹಲ ವ್ಯಕ್ತಪಡಿಸುತ್ತಿದ್ದಾರೆ
