ಮೈಸೂರು ಮಹಾನಗರ ಪಾಲಿಕೆ ಕಳೆದ ತಿಂಗಳಿನಿಂದ ನಗರದ ನೀರು ಬಳಕೆ ಶುಲ್ಕವನ್ನು ಸದ್ದಿಲ್ಲದೇ ಏರಿಸಿದೆ. ಇದರ ಜೊತೆಗೆ ಒಳ ಚರಂಡಿ ಶುಲ್ಕವನ್ನೂ ಏಕಾಏಕಿ ಶೇ.೧೦೦ರಷ್ಟು ಏರಿಸಿದೆ. ಅಂದರೆ ಈ ಹಿಂದೆ ಪ್ರತಿ ತಿಂಗಳು ಇದ್ದ ಯುಜಿಡಿ ಶುಲ್ಕ ೩೮ ರೂ. ನಿಂದ ೭೫ ರೂ.ಗಳಿಗೆ ಏರಿಕೆಯಾಗಿದೆ. ಪ್ರತಿ ನೀರು ಬಳಕೆದಾರರ ಮನೆಯ ಒಳ ಚರಂಡಿ ನಿರ್ವಹಣೆಯನ್ನೂ ತೆರಿಗೆದಾರರೇ ನಿರ್ವಹಿಸುತ್ತಿದ್ದು, ಹೊರಗಿನ ಒಳಚರಂಡಿಗಳಿಗೆ ಪಾಲಿಕೆ ಏನು ನಿರ್ವಹಣೆ ಮಾಡುತ್ತಿದೆ ಎಂಬುದನ್ನು ಬಲ್ಲವರೇ ತಿಳಿಸಬೇಕು. ಒಟ್ಟಾರೆ ಹಾಲು, ಕರೆಂಟು, ಬಸ್ಸು ಪ್ರಯಾಣ ದರದೊಂದಿಗೆ ನೀರಿನ ಕಂದಾಯವನ್ನೂ ಹೆಚ್ಚಿಸಿರುವುದು ಜನ ಸಾಮಾನ್ಯರಿಗೆ ಇನ್ನಷ್ಟು ಹೊರೆಯಾಗಿದೆ. ಸರ್ಕಾರ ಖಾಲಿಯಾಗಿರುವ ಬೊಕ್ಕಸವನ್ನು ತುಂಬಿಕೊಳ್ಳಲು ಎಲ್ಲಾ ದರಗಳನ್ನು ಏರಿಸುತ್ತಿದ್ದು, ಬಡ ಮತ್ತು ಮಧ್ಯಮ ವರ್ಗದವರು ಜೀವನ ನಡೆಸುವುದೇ ದುಸ್ತರವಾಗಿದೆ.
-ವಿಜಯ್ ಹೆಮ್ಮಿಗೆ, ಮೈಸೂರು
