ಪ್ಯಾರಿಸ್: ಟೆನಿಸ್ ಲೋಕದ ಸೂಪರ್ಸ್ಟಾರ್ ನೊವಾಕ್ ಜೊಕೋವಿಕ್ ಭಾನುವಾರ ರೊಲ್ಯಾಂಡ್ ಗ್ಯಾರೋಸ್ನಲ್ಲಿ ನೂತನ ಇತಿಹಾಸ ನಿರ್ಮಿಸಿದರು. ಅತ್ಯಧಿಕ 23 ಗ್ರ್ಯಾನ್ಸ್ಲಾಮ್ ಪ್ರಶಸ್ತಿಯೊಂದಿಗೆ ಬಹಳ ಎತ್ತರ ತಲುಪಿದರು. ಈ ಸಾಧನೆಯೊಂದಿಗೆ ಜೊಕೋ ಸಮಕಾಲೀನ ಟೆನಿಸ್ನ ಮತ್ತೋರ್ವ ದೈತ್ಯ ರಫೆಲ್ ನಡಾಲ್ ಅವರನ್ನು ಹಿಂದಿಕ್ಕಿದರು. ನಡಾಲ್ 22 ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಜಯಿಸಿದ್ದಾರೆ.
ಭಾನುವಾರ ನಡೆದ ಫೈನಲ್ನಲ್ಲಿ ಜೊಕೋವಿಕ್ ನಾರ್ವೆಯ ಕ್ಯಾಸ್ಪರ್ ರೂಡ್ ವಿರುದ್ಧ 7-6 (7-1), 6-3, 7-5 ಅಂತರದ ಗೆಲುವು ಸಾಧಿಸಿದರು. ಇದು ಸರ್ಬಿಯನ್ ಟೆನಿಸಿಗನಿಗೆ ಒಲಿದ 3ನೇ ಫ್ರೆಂಚ್ ಓಪನ್ ಪ್ರಶಸ್ತಿ. ಇದು ಅವರ 34ನೇ ಗ್ರ್ಯಾನ್ಸ್ಲಾಮ್ ಫೈನಲ್ ಹಾಗೂ 7ನೇ ಫ್ರೆಂಚ್ ಓಪನ್ ಫೈನಲ್ ಆಗಿತ್ತು.
BACK AT #1❗
🇷🇸 @DjokerNole kicks off his record-extending 388th career week at #1 on the ATP rankings today after winning his record-breaking 23rd career Grand Slam title at Roland Garros. 💥
And there's more: Djokovic isn't defending a single ranking point until October. 👀
— TENNIS (@Tennis) June 12, 2023
ಇನ್ನೊಂದೆಡೆ ಕ್ಯಾಸ್ಪರ್ ರೂಡ್ ಮೊದಲ ಗ್ರ್ಯಾನ್ಸ್ಲಾಮ್ ಕನಸು ಕಾಣುತ್ತಿದ್ದರು. ಅವರಿಗೆ ಇದು ಸತತ 2ನೇ ಫ್ರೆಂಚ್ ಓಪನ್ ಫೈನಲ್ ಆಗಿತ್ತು. ಕಳೆದ ವರ್ಷ ರಫೆಲ್ ನಡಾಲ್ಗೆ ಶರಣಾಗಿದ್ದರು.
ಜೊಕೋವಿಕ್ ಪ್ರಶಸ್ತಿ ಚೀಲದಲ್ಲಿ 10 ಆಸ್ಟ್ರೇಲಿಯನ್ ಓಪನ್, 3 ಫ್ರೆಂಚ್ ಓಪನ್, 7 ವಿಂಬಲ್ಡನ್ ಹಾಗೂ 3 ಯುಎಸ್ ಓಪನ್ ಟ್ರೋಫಿಗಳು ತುಂಬಿವೆ. 2008ರಲ್ಲಿ ವಿಂಬಲ್ಡನ್ ಗೆಲ್ಲುವ ಮೂಲಕ ಜೊಕೋವಿಕ್ ಅವರ ಗ್ರ್ಯಾನ್ಸ್ಲಾಮ್ ಅಭಿಯಾನ ಮೊದಲ್ಗೊಂಡಿತ್ತು.
