ಅಮ್ಮ ಎಂದರೆ…
೯ ತಿಂಗಳು ಹೊತ್ತು ಹೆತ್ತವಳು ಅಮ್ಮ
ಸತ್ತು ಬದುಕಿ ಜನ್ಮವಿತ್ತವಳು
ಮಡಿಲಲ್ಲಿ ಕಂದನ ಕಂಡು
ಸ್ವರ್ಗಕ್ಕೆ ಕಿಚ್ಚು ಹಚ್ಚೆಂದಳು ಅಮ್ಮ
ಉಸಿರ ಬಸಿದು ಆಸರೆಯಾದಳು
ಮಗುವಿಗೆ ಅಮ್ಮ
ಕಂದ ಎಡವಿದರೆ ನೊಂದವಳು
ತಿದ್ದಿ ತೀಡಿ ಕಲಿಸಲು ಕಳಿಸಿದ ಆ ಬ್ರಹ್ಮ
ಹುಟ್ಟಿದಾಗ ತೊದಲ್ನುಡಿ- ಸಾಯು
ವಾಗ ಕೊನೆ ನುಡಿ ಅಮ್ಮ
ಬಾಲ್ಯದಿಂದ ಮುಪ್ಪಿನವರೆಗೂ ಉಸಿರಲ್ಲಿ ಬೆರೆತವಳು ಅಮ್ಮ
ಆದರೆ ಇವಳಿಗೆ ಮುಪ್ಪು ಆವರಿಸಿದಾಗ ಏಕೆ ಆಶ್ರಮ ?
ಮುಕ್ಕೋಟಿ ದೇವತೆಗಳಿಗೂ ಮಿಗಿಲು ಅಮ್ಮ
ತೀರಿಸಲಾದೀತೆ ಅವಳ ಋಣ ಈ ಜನ್ಮ
– ಕಲಾ ಜಗನ್ನಾಥ್, ಎಚ್.ಡಿ.ಕೋಟೆ
