ವಾಷಿಂಗ್ಟನ್ : ಇರಾನ್ ಧ್ವಜವಿರುವ ಸರಕು ಹಡಗನ್ನು (ಟೂಸ್ಕಾ) ಒಮಾನ್ ಕೊಲ್ಲಿಯಲ್ಲಿ (ಹಾರ್ಮುಜ್ ಜಲಸಂಧಿ ಸಮೀಪ) ನಮ್ಮ ಭದ್ರತಾ ಪಡೆಗಳು ವಶಪಡಿಸಿಕೊಂಡಿದೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.
ಸಾಮಾಜಿಕ ಮಾಧ್ಯಮ ಟ್ರೂತ್ ಪೋಸ್ಟ್ ಮಾಡಿರುವ ಅವರು, “ಇರಾನ್ ಧ್ವಜ ವಿರುವ ಸುಮಾರು 900 ಅಡಿ ಉದ್ದದ ಹಡಗು ಟೂಸ್ಕಾ ನಮ್ಮ ನೌಕಾ ದಿಗ್ಬಂಧನವನ್ನು ದಾಟಲು ಪ್ರಯತ್ನಿಸಿತು. ಹಲವು ಬಾರಿ ಎಚ್ಚರಿಕೆ ನೀಡಿದರೂ ಇರಾನ್ ಸಿಬ್ಬಂದಿ ನಮ್ಮ ಮಾತು ಕೇಳಲಿಲ್ಲ. ಹೀಗಾಗಿ ನಮ್ಮ ನೌಕಾಪಡೆಯು ಕ್ಷಿಪಣಿ ಧ್ವಂಸಕ ನೌಕೆ ಯುಎಸ್ಎಸ್ ಸ್ಪ್ರೂಯನ್ಸ್ ಇರಾನ್ ಹಡಗಿನ ಮೇಲೆ ದಾಳಿ ನಡೆಸುವ ಮೂಲಕ ತಡೆಯೊಡ್ಡಿದೆ ಎಂದು ಮಾಹಿತಿ ನೀಡಿದ್ದಾರೆ.
ಪ್ರತೀಕಾರ ತೀರಿಸಿಕೊಳ್ಳುವುದಾಗಿ ಇರಾನ್ ಎಚ್ಚರಿಕೆ
ಇರಾನ್ ಸಶಸ್ತ್ರ ಪಡೆಗಳು ಈ ಕ್ರಿಯೆಯನ್ನು “ಸಶಸ್ತ್ರ ಕಡಲ್ಗಳ್ಳತನ” ಎಂದು ತೀವ್ರವಾಗಿ ಖಂಡಿಸಿವೆ. ತಕ್ಕ ಪ್ರತೀಕಾರ ತೀರಿಸಿಕೊಳ್ಳುವುದಾಗಿ ಇರಾನ್ ಎಚ್ಚರಿಕೆ ನೀಡಿದೆ. ಈ ಘಟನೆಯನ್ನು “ಅಮೆರಿಕದ ದೌರ್ಜನ್ಯ” ಎಂದು ವಿವರಿಸಿದೆ.
