ನವದೆಹಲಿ : ರಾಜ್ಯಸಭಾ ಸಂಸದ ರಾಘವ್ ಛಡ್ಡಾ ಅವರು ಎಎಪಿ(ಆಮ್ ಆದ್ಮಿ ಪಾರ್ಟಿ) ತೊರೆದು ಬಿಜೆಪಿಗೆ ಸೇರ್ಪಡೆಗೊಂಡ ಬೆನ್ನಲ್ಲೇ ಸಾಮಾಜಿಕ ಜಾಲತಾಣದಲ್ಲಿ ಜನಪ್ರಿಯತೆ ಕುಸಿತ ಕಂಡಿದೆ. ಅದರಲ್ಲೂ ಜೆನ್-ಝೀಗಳ ಫೇವರೆಟ್ ಇನ್ಸ್ಟಾಗ್ರಾಂನಲ್ಲಿ ಸುಮಾರು 10 ಲಕ್ಷ(1ಮಿಲಿಯನ್) ಜನರು ಅನ್ಫಾಲೋ ಮಾಡಿದ್ದಾರೆ.
ಎಪ್ರಿಲ್ 24ರಂದು, ಪಕ್ಷಾಂತರಕ್ಕೂ ಮೊದಲು ಸುಮಾರು 14.6 ಮಿಲಿಯನ್ ಫಾಲೋವರ್ಸ್ ಹೊಂದಿದ್ದ ಅವರು, ಇದೀಗ ಸುಮಾರು 12.7 ಮಿಲಿಯನ್ಗೆ ಇಳಿದಿದ್ದು, ಒಟ್ಟು ಸುಮಾರು 18 ಲಕ್ಷ ಫಾಲೋವರ್ಸ್, ಅಂದರೆ 1.8 ಮಿಲಿಯನ್ ಫಾಲೋವರ್ಸ್ ಕಳೆದುಕೊಂಡಿದ್ದಾರೆ.
ಪಕ್ಷಾಂತರ ಘೋಷಣೆಯಾದ ತಕ್ಷಣವೇ ಸಾಮಾಜಿಕ ಮಾಧ್ಯಮದಲ್ಲಿ ತೀವ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಕೇವಲ 24 ಗಂಟೆಗಳೊಳಗೆ 1.8 ಮಿಲಿಯನ್ ಗಿಂತ ಹೆಚ್ಚು ಫಾಲೋವರ್ಸ್ ಕಡಿಮೆಯಾಗಿದ್ದಾರೆ. ನಂತರವೂ ಕುಸಿತ ಮುಂದುವರಿದಿದೆ.
ಬೆಳವಣಿಗೆಗೆ ಪ್ರಮುಖ ಕಾರಣವಾಗಿ ಯುವ ಬಳಗ, ವಿಶೇಷವಾಗಿ ‘ಜೆನ್-ಝೀ’, ನೀಡಿದ ತೀವ್ರ ಪ್ರತಿಕ್ರಿಯೆ ಉಲ್ಲೇಖವಾಗುತ್ತಿದೆ. ಆಮ್ ಆದ್ಮಿ ಪಕ್ಷದಿಂದ ಬಿಜೆಪಿಗೆ ಅವರ ಪಕ್ಷಾಂತರವನ್ನು ಹಲವು ಮಂದಿ ಟೀಕಿಸಿದ್ದು, ಅದಕ್ಕೆ ಪ್ರತಿಯಾಗಿ ‘ಅನ್ಫಾಲೋ’ ಅಭಿಯಾನಗಳು ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆದಿವೆ.
