ನವದೆಹಲಿ : ಕಾಂಗ್ರೆಸ್ ನಾಯಕ ಮತ್ತು ರಾಜ್ಯಸಭಾ ಸಂಸದ ರಣದೀಪ್ ಸಿಂಗ್ ಸುರ್ಜೇವಾಲಾ ಅವರು ಭಾರತೀಯ ಜನತಾ ಪಕ್ಷ ಮತ್ತು ಅದರ ಬೆಂಬಲಿಗರನ್ನು ವಿವರಿಸಲು ಅವಹೇಳನಕಾರಿ ಪದಗಳನ್ನು ಬಳಸಿದ್ದಾರೆ. ಬಿಜೆಪಿಗರನ್ನು ‘ರಾಕ್ಷಸರು’ ಎಂದು ಕರೆದಿದ್ದು, ವಿವಾದವನ್ನು ಹುಟ್ಟು ಹಾಕಿದ್ದಾರೆ. ಸುರ್ಜೇವಾಲಾ ಅವರ ಹೇಳಿಕೆಗೆ ಹಲವು ಬಿಜೆಪಿ ನಾಯಕರು ತೀವ್ರವಾಗಿ ಪ್ರತಿಕ್ರಿಯಿಸಿದ್ದಾರೆ.
ಇತ್ತೀಚಿನ ದಿನಗಳಲ್ಲಿ ಆಪಾದಿತ ಪೇಪರ್ ಸೋರಿಕೆ ಪ್ರಕರಣದ ಕುರಿತು ಹರಿಯಾಣದ ಬಿಜೆಪಿ-ಜೆಜೆಪಿ ಸರ್ಕಾರದ ವಿರುದ್ಧ ಸುರ್ಜೆವಾಲಾ ವಾಗ್ದಾಳಿ ನಡೆಸಿದರು.
#WATCH | In Kaithal, Haryana, Congress MP Randeep Surjewala says, "…Those who vote for BJP and are BJP supporters are of 'raakshas' (demons) tendency. I curse from this land of Mahabharat…"
(13.08.2023) pic.twitter.com/IGuouzalbS
— ANI (@ANI) August 14, 2023
ಭಾನುವಾರ ಕೈತಾಲ್‌ನಲ್ಲಿ ‘ಜನ ಆಕ್ರೋಶ್ ರ್ಯಾಲಿ’ ಸಭೆಯನ್ನುದ್ದೇಶಿಸಿ ಮಾತನಾಡುತ್ತಾ, ‘ಮನೋಹರ್ ಲಾಲ್ ಖಟ್ಟರ್ ಮತ್ತು ದುಷ್ಯಂತ್ ಚೌತಾಲಾ ಅವರು ಯುವಕರ ಪತ್ರಿಕೆಗಳು ಮತ್ತು ಭವಿಷ್ಯವನ್ನು ಮಾರಾಟ ಮಾಡುತ್ತಿದ್ದಾರೆ. ಕಾಗದಪತ್ರಗಳನ್ನು ಬಿಡ್ ಮಾಡುವ ಮೂಲಕ ಮಾರುಕಟ್ಟೆಯಲ್ಲಿ ಬಹಿರಂಗವಾಗಿ ಮಾರಾಟ ಮಾಡುತ್ತಿದ್ದಾರೆ. ಹೀಗಾಗಿಯೇ ನಮಗೆ ಕೆಲಸ ಕೊಡಬೇಡಿ ಕನಿಷ್ಠ ಪರೀಕ್ಷೆ ಬರೆಯಲು ಅವಕಾಶ ಕೊಡಿ ಎಂದು ಜನರು ಒತ್ತಾಯಿಸುತ್ತಿದ್ದಾರೆ. ಆದರೆ ಅವಕಾಶವನ್ನೂ ಕಸಿದುಕೊಳ್ಳುತ್ತಿದ್ದಾರೆ’ ಎಂದು ವಾಗ್ದಾಳಿ ನಡೆಸಿದರು.
बार-बार शहजादे को लॉन्च करने में असफल कांग्रेस पार्टी अब जनता-जनार्दन को ही गाली देने लगी।
प्रधानमंत्री मोदी और भाजपा के विरोध में अंधेपन के शिकार हो चुके कांग्रेस पार्टी के नेता रणदीप सुरजेवाला को सुनिए कह रहे हैं – “भाजपा को वोट और सपोर्ट करने वाली देश की जनता ‘राक्षस’ है”… pic.twitter.com/GZvKVOcVa5
— Sambit Patra (Modi Ka Parivar) (@sambitswaraj) August 14, 2023
ಇನ್ನು ಮುಂದುವರೆದು ಮಾತನಾಡುತ್ತಾ, ‘ ಉದ್ಯೋಗ ಕೊಡಬೇಡಿ ಸ್ವಾಮಿ, ಕನಿಷ್ಠ ಪರೀಕ್ಷೆಗೆ ಕುಳಿತುಕೊಳ್ಳಲು ಅವಕಾಶ ನೀಡಿ. ಬಿಜೆಪಿ ಮತ್ತು ಜೆಜೆಪಿಯ ಜನರು ರಾಕ್ಷಸರು. ಬಿಜೆಪಿಗೆ ಮತ ಹಾಕುವ ಮತ್ತು ಅವರನ್ನು ಬೆಂಬಲಿಸುವವರೂ ರಾಕ್ಷಸರು. ಇಂದು ನಾನು ಈ ಮಹಾಭಾರತದ ಭೂಮಿಯಲ್ಲಿ ನಿಂತು ಶಪಿಸುತ್ತೇನೆ’ ಎಂದರು.
ಸುರ್ಜೆವಾಲಾ ಅವರ ಈ ಭಾಷಣದ ವಿಡಿಯೋ ತುಣುಕೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಹಲವು ಬಿಜೆಪಿ ನಾಯಕರು ಅದನ್ನು ಶೇರ್ ಮಾಡಿದ್ದಾರೆ.
ಬಿಜೆಪಿಯ ರಾಷ್ಟ್ರೀಯ ವಕ್ತಾರ ಸಂಬಿತ್ ಪಾತ್ರ ಸುರ್ಜೇವಾಲಾ ಹೇಳಿಕೆಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಕಾಂಗ್ರೆಸ್ ಈಗ ತನ್ನ ಪಕ್ಷಕ್ಕೆ ಮತ ಹಾಕುವ ಸಾರ್ವಜನಿಕರನ್ನು ಬಹಿರಂಗವಾಗಿ ನಿಂದಿಸುತ್ತಿದೆ ಎಂದು ಹೇಳಿದರು.
ಸುರ್ಜೆವಾಲಾ ಅವರು ತಮ್ಮ ಪಕ್ಷದ ವಿರುದ್ಧ ಮಾಡಿದ ಟೀಕೆಗಳ ಕುರಿತು ಸಿಎಂ ಶಿವರಾಜ್ ಚೌಹಾಣ್, ‘ಮನುಷ್ಯ ನಾಶವಾಗುವ ಕಾಲ ಬಂದಾಗ ಮೊದಲು ಬುದ್ದಿ ನಾಶವಾಗುತ್ತದೆ. ಕಾಂಗ್ರೆಸ್ ನಾಯಕರು ಸಾರ್ವಜನಿಕರನ್ನು ‘ರಾಕ್ಷಸರು’ ಎಂದು ಕರೆಯುತ್ತಿದ್ದಾರೆ. ಬಿಜೆಪಿಗೆ ಮತ ಹಾಕುವ ಕೋಟ್ಯಂತರ ಜನರು ರಾಕ್ಷಸರಾ? ಸೋನಿಯಾ ಗಾಂಧಿ ಮತ್ತು ರಾಹುಲ್ ಗಾಂಧಿ ಇದಕ್ಕೆ ಏನಂತಾರೆ? ನೀವು ಸಾರ್ವಜನಿಕರನ್ನು ರಾಕ್ಷಸರು ಎಂದು ಪರಿಗಣಿಸುತ್ತೀರಾ? ಬಿಜೆಪಿ ಸಾರ್ವಜನಿಕರನ್ನು ಭಗವಂತ ಎಂದು ಪರಿಗಣಿಸುತ್ತದೆ. ನಾನು ಯಾವಾಗಲೂ ಮಧ್ಯಪ್ರದೇಶ ನನ್ನ ದೇವಾಲಯ ಎಂದು ಹೇಳುತ್ತೇನೆ. ಇಲ್ಲಿ ವಾಸಿಸುವ ಜನರು ನನ್ನ ದೇವರು ಮತ್ತು ನಾವು ಆ ದೇವರ ಆರಾಧಕರು. ನೀವು ನಿಮ್ಮನ್ನು ದೇವರೆಂದು ಪರಿಗಣಿಸುತ್ತೀರಿ. ಇದು ನಿಮ್ಮ ‘ಮೊಹಬ್ಬತ್ ಕಿ ದುಕಾನ್’ ಎಂದು ತಿರುಗೇಟು ನೀಡಿದ್ದಾರೆ.
