ಲೋ ಬಿಪಿ ಬಗ್ಗೆ ಎಚ್ಚರ ಇರಲಿ
ಕುಳಿತ ಸ್ಥಳದಿಂದ ಎದ್ದಾಗ ತಲೆ ಸುತ್ತುವ ಅನುಭವವಾದರೆ ಅದನ್ನು ಕಡೆಗಣಿಸುವುದು ಬೇಡ. ವೈಜ್ಞಾನಿಕ ಭಾಷೆಯಲ್ಲಿ ಈ ಲಕ್ಷಣಕ್ಕೆ ಆರ್ಥೊಸ್ವಾಟಿಕ್ ಹೈಪೊಟೆಕ್ಷನ್ ಎನ್ನಲಾಗುತ್ತದೆ. ಲೋ ಬಿಪಿ ಇದ್ದಾಗ ಈ ಸಮಸ್ಯೆ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ಸಮಯಕ್ಕೆ ಸರಿಯಾಗಿ ಆಹಾರ ಸೇವನೆ ಮಾಡದೇ ಇದ್ದಾಗಲೂ ಈ ರೀತಿಯ ಅನುಭವ ಆಗುತ್ತದೆ. ತಕ್ಷಣವೇ ವೈದ್ಯರನ್ನು ಭೇಟಿಯಾಗಿ ಅಗತ್ಯ ಔಷಧ ಪಡೆದುಕೊಳ್ಳುವುದು ಉತ್ತಮ.
ಕಿತ್ತಲೆ ಹಣ್ಣು ಹೆಚ್ಚು ಸೇವಿಸಿ
ಇನ್ನೇನು ಚಳಿಗಾಲ ಹತ್ತಿರವಾಗುತ್ತಿದೆ. ಈ ವೇಳೆಯಲ್ಲಿ ಆಹಾರದಲ್ಲಿ ಎಚ್ಚರಿಕೆ ಇದ್ದರೆ ಒಳಿತು. ವಿಟಮಿನ್ ಸಿ ಹೆಚ್ಚಾಗಿ ಇರುವ ಕಿತ್ತಲೆ ಹಣ್ಣಿನ ಸೇವನೆ ಈ ಸಮಯದಲ್ಲಿ ಒಳ್ಳೆಯದ್ದು. ಇದರಲ್ಲಿ ಇರುವ ರೋಗ ನಿರೋಧಕ ಶಕ್ತಿ, ವಿಟಮಿನ್ಗಳು ದೇಹಕ್ಕೆ ಸಹಕಾರಿ. ಇದು ಲಾಲಾರಸ ಉತ್ಪಾದನೆಗೆ ಸಹಾಯ ಮಾಡುವುದರಿಂದ ದೇಹದ ಜೀರ್ಣಶಕ್ತಿಯೂ ಹೆಚ್ಚಾಗುತ್ತದೆ.
