ಮುಂಬೈ: ಬಾಲಿವುಡ್ನ ಸ್ಟಾರ್ ನಟ ಅಮೀರ್ ಖಾನ್ ಅವರ ಪುತ್ರಿ ಐರಾ ಖಾನ್ ಅವರು ಪ್ರಿಯಕರ ನುಪೂರ್ ಶಿಖರೆ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ಈ ಕುರಿತು ಜೋಡಿಗಳು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಐರಾ ಮತ್ತು ನುಪೂರ್ ಶಿಖರೆ ಕಳೆದ ಎರಡು ವರ್ಷಗಳಿಂದ ಡೇಟಿಂಗ್ ನಡೆಸುತ್ತಿದ್ದು, ಇಂದು ಇನ್ಸ್ಟಾಗ್ರಾಮ್ನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿರುವುದಾಗಿ ನುಪೂರ್ ಶಿಖರೆ ಪ್ರಪೋಸ್ ಮಾಡುತ್ತಿರುವ ವಿಡಿಯೋ ತುಣುಕಿನ ಪೋಸ್ಟ್ ಅನ್ನು ಐರಾ ಹಂಚಿಕೊಂಡಿದ್ದಾರೆ.
ಸೈಕಲಿಂಗ್ ಕಾರ್ಯಕ್ರಮದಲ್ಲಿ ಪ್ರಿಯಕರ ನುಪೂರ್ ಶಿಖರೆ ಸಿನಿಮಾ ಶೈಲಿಯಲ್ಲಿ ಐರಾ ಅವರಿಗೆ ಉಂಗುರ ನೀಡಿ, ನೀನು ನನ್ನ ಮದುವೆ ಆಗುವೆಯಾ ಎಂದು ಪ್ರಸ್ತಾಪಿಸಿದಾಗ ಐರಾ ಹೌದು ಎಂದು ಶಿಖರೆಗೆ ಚುಂಬಿಸಿ ಒಪ್ಪಿಗೆ ನೀಡುತ್ತಿರುವ ವಿಡಿಯೋ ತುಣುಕನ್ನು ಐರಾ ತಮ್ಮ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಪೋಸ್ಟ್ಗೆ ಅಭಿಮಾನಿಗಳು ಸೇರಿದಂತೆ ಚಿತ್ರರಂಗದವರು ಮೆಚ್ಚುಗೆ ವ್ಯಕ್ತಪಡಿಸಿ ಜೋಡಿಗಳಿಗೆ ಶುಭಹಾರೈಸಿದ್ದಾರೆ. ನಟ ಅಮೀರ್ ಖಾನ್ ಐರಾ ಮತ್ತು ಮೊದಲ ಪತ್ನಿ ರೀನಾ ಜೊತೆಗಿರುವ ಪೋಸ್ಟ್ ಹಂಚಿಕೊಂಡಿದ್ದಾರೆ. ಇನ್ನು ಮೊದಲ ಪತ್ನಿಯ ಮಗಳೇ ಐರಾ ಆಗಿದ್ದು, 2002 ರಲ್ಲಿ ಅಮೀರ್ ಖಾನ್ ರೀನಾ ದಂಪತಿ ವಿಚ್ಚೇದನ ಪಡೆದುಕೊಂಡಿದ್ದಾರೆ.
ಪ್ರಿಯಕರನೊಟ್ಟಿಗೆ ನಿಶ್ಚಿತಾರ್ಥ ಮಾಡಿಕೊಂಡಿ ಅಮೀರ್ ಖಾನ್ ಪುತ್ರಿ
