ಗಂಭೀರ ಕಾಯಿಲೆಗಳ ೧೮೦ ದುಬಾರಿ ಔಷಧಗಳು ಮತ್ತು ೭೮೦ ವೈದ್ಯಕೀಯ ಸಾಮಗ್ರಿಗಳನ್ನು ಹತ್ತಾರು ಪಟ್ಟು ಹೆಚ್ಚು ಲಾಭವಿಟ್ಟುಕೊಂಡು ಮಾರಾಟ ಮಾಡುತ್ತಿರುವುದು ಅತ್ಯಂತ ಖಂಡನೀಯ ಹಾಗೂ ಆಘಾತಕಾರಿ ಸಂಗತಿಯಾಗಿದೆ. ಬಡ ಮತ್ತು ಮಧ್ಯಮ ವರ್ಗದ ರೋಗಿಗಳು ಜೀವ ಉಳಿಸಿಕೊಳ್ಳಲು ಹೆಣಗಾಡುತ್ತಿರುವಾಗ ಫಾರ್ಮಾ ಕಂಪೆನಿಗಳು ಮತ್ತು ದಲ್ಲಾಳಿಗಳು ಹೆಚ್ಚಿನ ಲಾಭಾಂಶದತ್ತ ಗಮನ ನೀಡಿರುವುದು ಒಂದು ರೀತಿ ಹಿಂಸೆಯ ಪ್ರದರ್ಶನವೆನ್ನಬಹುದು.
ಸರ್ಕಾರವು ತಕ್ಷಣವೇ ಮಧ್ಯಪ್ರವೇಶಿಸಿ, ಈ ಶೋಷಣೆಗೆ ಕಠಿಣ ಕಡಿವಾಣ ಹಾಕಿ ಎನ್‌ಪಿಪಿಎ ಮೂಲಕ ಔಷಧ ಬೆಲೆಗಳನ್ನು ಸಾರ್ವಜನಿಕರಿಗೆ ಕೈಗೆಟುಕುವಂತೆ ನಿಯಂತ್ರಿಸಲೇಬೇಕು. ಜೀವ ಉಳಿಸುವ ಔಷಧಗಳು ಲಾಭದ ವಸ್ತುವಾಗದೆ ಪ್ರತಿಯೊಬ್ಬರಿಗೂ ಸಿಗುವಂತಾಗಲಿ.
-ಡಾ. ಎಚ್. ಕೆ. ವಿಜಯಕುಮಾರ್, ಬೆಂಗಳೂರು
