ಪ್ರಶಾಂತ್ ಎಸ್.
ಕೆಎಸ್‌ಟಿಡಿಸಿ ವತಿಯಿಂದ ವ್ಯವಸ್ಥೆ; ಪ್ರತಿನಿತ್ಯ ೩ ಟ್ರಿಪ್‌ಗಳಲ್ಲಿ ಪ್ರಯಾಣ
ಮೈಸೂರು: ದಸರಾ ಮಹೋತ್ಸವದ ಅಂಗವಾಗಿ ‘ಅಂಬಾರಿ ಬಸ್’ ಸೇವೆ ಆರಂಭವಾಗಿದ್ದು, ದಸರಾ ದೀಪಾಲಂಕಾರವನ್ನು ಕಣ್ತುಂಬಿಕೊಳ್ಳಬಹುದಾಗಿದೆ.
ನಗರವನ್ನು ವಿಶಿಷ್ಟ ಅಲಂಕಾರದೊಂದಿಗೆ ಬೆಳಗುವ ದಸರಾ ದೀಪಾಲಂಕಾರವನ್ನು ನೋಡುವುದು, ಅದರಲ್ಲಿಯೂ ಡಬಲ್ ಡೆಕ್ಕರ್ ಬಸ್‌ನ ಚಾವಣಿಯಲ್ಲಿ ಕುಳಿತು ಅರಮನೆ ಹಾಗೂ ರಾಜಬೀದಿ ಅಂದವನ್ನು ಕಣ್ತುಂಬಿಕೊಳ್ಳುವುದೇ ಒಂದು ಅನುಭವ. ಹೀಗೆ ದಸರಾ ಬೆಳಕಿನಲ್ಲಿ ಮೈಸೂರಿನ ಸೌಂದರ್ಯವನ್ನು ಸವಿಯಲು ಪ್ರವಾಸಿಗರು ಕಾತರರಾಗಿರುವನಡುವೆಯೇ ಕರ್ನಾಟಕ ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮ (ಕೆಎಸ್‌ಟಿಡಿಸಿ) ತೆರೆದ ಚಾವಣಿಯ ಡಬಲ್ ಡೆಕ್ಕರ್ ಅಂಬಾರಿ ಬಸ್‌ಗಳನ್ನು ಸೇವೆಗೆ ಒದಗಿಸಿದೆ.
೪ ಬಸ್‌ಗಳ ಸೇವೆ: ಕೆಎಸ್ ಟಿಡಿಸಿ ಬಳಿ ಒಟ್ಟು ಆರು ಅಂಬಾರಿ ಬಸ್‌ಗಳಿದ್ದು, ಸದ್ಯ ಒಂದು ಮೈಸೂರಿನಲ್ಲಿ ಹಾಗೂ ಬೆಂಗಳೂರಿನಲ್ಲಿ ಐದು ಬಸ್ಗಳು ಕಾರ್ಯನಿರ್ವಹಿಸುತ್ತಿವೆ
” ಪ್ರವಾಸ ಪ್ಯಾಕೇಜ್‌ಗಳು, ‘ಅಂಬಾರಿ’ ಬಸ್ ಸೇವೆ ಹಾಗೂ ಬುಕ್ಕಿಂಗ್ ಸಂಬಂಽತ ಮಾಹಿತಿಗಾಗಿ ಪ್ರವಾಸಿಗರು ಕೆಎಸ್‌ಟಿಡಿಸಿ ಸಹಾಯವಾಣಿ ಸಂಖ್ಯೆ ೦೮೦-೪೩೩೪ ೪೩೩೪/೩೫/೩೬/೪೨, ೦೮೨೧-೨೪೨೩೬೫೨ ಅಥವಾ ೮೯೭೦೬ ೫೬೪೦೦ನ್ನು ಸಂಪರ್ಕಿಸಬಹುದು. ಹೆಚ್ಚಿನ ಮಾಹಿತಿಗೆ www.kstdc.co ವೆಬ್‌ಸೈಟ್‌ಗೆ ಭೇಟಿ ನೀಡಬಹುದು ಅಥವಾ info@kstdc.
co ಇ-ಮೇಲ್ ಮಾಡಬಹುದು”
” ದಸರಾ ವಿದ್ಯುತ್ ದೀಪಾಲಂಕಾರ ಇರುವಷ್ಟು ದಿನಗಳ ಕಾಲ ಅಂಬಾರಿ ಬಸ್‌ಗಳನ್ನು ಸಂಚರಿಸಲು ಕೆಎಸ್‌ಟಿಡಿಸಿ ಯೋಜಿಸಿದೆ. ಒಟ್ಟು ೪ ಬಸ್‌ಗಳನ್ನು ಮೈಸೂರಿನಲ್ಲಿ ಸೇವೆಗೆ ನಿಯೋಜಿಸಲು ಸಿದ್ಧತೆ ನಡೆಸಲಾಗಿದೆ.”
-ಕೆ.ಆರ್.ಮಧುರಾಜ್, ವ್ಯವಸ್ಥಾಪಕ, ಕೆಎಸ್‌ಟಿಡಿಸಿ, ಮೈಸೂರು
