ಕತಾರ್: ಫಿಫಾ ವಿಶ್ವಕಪ್ ಪಂದ್ಯಾವಳಿ ಅಚ್ಚರಿ ಫಲಿತಾಂಶಗಳನ್ನು ನೀಡುತ್ತಿದೆ. 2018 ರಲ್ಲಿ ಫೈನಲ್ ತಲುಪಿದ್ದ ಕ್ರೊವೇಷಿಯಾ ವಿರುದ್ಧ ಮೊರಾಕ್ಕೊ 0-0 ಮೂಲಕ ಡ್ರಾ ಸಾಧಿಸಿ ಅದ್ಭುತ ಪ್ರದರ್ಶನ ನೀಡಿದೆ.
ಹಲವು ಬಾರಿ ಗೋಲು ಗಳಿಸಲು ಸತತ ಪ್ರಯತ್ನ ನಡೆಸಿದ ಕ್ರೋವೇಷಿಯಾ ತಂಡಕ್ಕೆ ಮೊರಾಕ್ಕೊದ ಗೋಲ್ಕೀಪರ್ ಅವಕಾಶವನ್ನೇ ನೀಡಲಿಲ್ಲ. ಆದರೂ ಕ್ರೋವೇಷಿಯಾ ತಂಡದ ನಾಯಕ ಲೂಕಾ ಮಾಡ್ರಿಕ್ ಉತ್ತಮ ಪ್ರದರ್ಶನ ನೀಡಿದರು.
ಅಂತಿಮ ವಿಶ್ವಕಪ್ ಆಡುತ್ತಿರುವ ಲೂಕಾ ಮಾಡ್ರಿಕ್ 2ನೇ ಅವಧಿಯ ಆರಂಭದಲ್ಲಿಯೇ ಗೋಲು ಗಳಿಸುವ ಅದ್ಭುತ ಯತ್ನ ಮಾಡಿದರು.
ಇದರಿಂದ ಲೂಕಾ ಪಂದ್ಯದ ಶ್ರೇಷ್ಠ ಆಟಗಾರ ಪ್ರಶಸ್ತಿ ಪಡೆದರು. ಗ್ರೂಪ್ ಎಫ್ ನ ಮೊರಾಕ್ಕೊ ಮುಂದಿನ ಪಂದ್ಯದಲ್ಲಿ 2ನೇ ಶ್ರೇಯಾಂಕದ ಬೆಲ್ಡಿಯಂ ತಂಡವನ್ನು ಎದುರಿಸಿದೆ.
