ಕೇಪ್ಟೌನ್: ಇಲ್ಲಿನ ನ್ಯೂಲ್ಯಾಂಡ್ಸ್ ಕ್ರೀಡಾಂಗಣದಲ್ಲಿ ನಡೆಯಲಿರುವ ಭಾರತ ಮತ್ತು ದಕ್ಷಿಣ ಆಫ್ರಿಕಾ ತಂಡದ ನಡುವಿನ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಡೀನ್ ಎಲ್ಗರ್ ನಾಯಕರಾಗಲಿದ್ದಾರೆ.
ತಮ್ಮ ಕ್ರಿಕೆಟ್ ವೃತ್ತಿಜೀವನದ ಕೊನೆಯ ಪಂದ್ಯಕ್ಕೆ ಅವರು ನಾಯಕರಾಗಲಿದ್ದಾರೆ. ಗಾಯದ ಸಮಸ್ಯೆಯಿಂದ ಬಳಲುತ್ತಿರುವ ನಾಯಕ ತೆಂಬಾ ಬವುಮಾ ಅವರು ಕೇಪ್ ನಲ್ಲಿ ನಡೆಯಲಿರುವ ಕೊನೆಯ ಪಂದ್ಯಕ್ಕೆ ಅಲಭ್ಯವಾಗಲಿದ್ದು, ಅವರ ಬದಲಿ ನಾಯಕರಾಗಿ ಎಲ್ಗರ್ ಕ್ರಿಕೆಟ್ ದಕ್ಷಿಣ ಆಫ್ರಿಕಾ ನೇಮಕಗೊಳಿಸಿದೆ.
ಇನ್ನೂ ತೆಂಬ ಬವುಮಾ ಅವರ ಬದಲಿಗೆ ಜುಬೇರ್ ಹಂಝಾ ಅವರು ಸ್ಥಾನ ಪಡೆದಿದ್ದಾರೆ.
36 ವರ್ಷದ ಎಲ್ಗರ್ ಟೀಂ ಇಂಡಿಯಾ ವಿರುದ್ಧ ಆಡಿದ ಮೊಲದ ಟೆಸ್ಟ್ನಲ್ಲಿ 185 ರನ್ ಗಳಿಸಿ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದಿದ್ದರು.
ಡೀನ್ ಎಲ್ಗರ್ ಅವರು ಟೆಸ್ಟ್ ನಲ್ಲಿ ಇವರೆಗೆ 85 ಪಂದ್ಯಗಳಿಂದ 150 ಇನ್ನಿಂಗ್ಸ್ ಆಡಿದ್ದಾರೆ. 38.08ರ ಸರಾಸರಿಯಲ್ಲಿ 5,331 ರನ್ ದಾಖಲಿಸಿದ್ದು, ಇದರಲ್ಲಿ 14 ಶತಕ ಮತ್ತು 23 ಅರ್ಧ ಶತಕ ಬಾರಿಸಿದ್ದಾರೆ. 199 ರನ್ ಇದು ಅವರ ಟೆಸ್ಟ್ನ ಗರಿಷ್ಠ ರನ್ ಆಗಿದೆ.
