ಹೊಸದಿಲ್ಲಿ : ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ವಿವಿಧ ದೇಶಗಳ ಮೇಲೆ ಹೇರಿರುವ ಹೆಚ್ಚುವರಿ ಸಾಮೂಹಿಕ ಸುಂಕಗಳನ್ನು ಅಮೆರಿಕ ಸುಪ್ರೀಂ ಕೋರ್ಟ್ ರದ್ದುಪಡಿಸಿದೆ. ಈ ಕುರಿತ ಬೆಳವಣಿಗೆ ಮತ್ತು ವಿಕಾಸಗಳನ್ನು ಅಧ್ಯಯನ ಮಾಡುತ್ತಿದ್ದೇವೆ” ಎಂದು ಕೇಂದ್ರ ಸರ್ಕಾರ ಹೇಳಿದೆ.
ಅಮೆರಿಕ ಸುಪ್ರೀಂ ಕೋರ್ಟ್ನ ಸುಂಕಗಳ ಕುರಿತಾದ ತೀರ್ಪನ್ನು ಗಮನಿಸಿದ್ದೇವೆ. ಅಧ್ಯಕ್ಷ ಟ್ರಂಪ್ ಅವರು ಇದರ ಕುರಿತು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ್ದಾರೆ. ಅಮೆರಿಕ ಸರ್ಕಾರದಿಂದ ಕೆಲವು ಕ್ರಮಗಳನ್ನು ಘೋಷಿಸಲಾಗಿದೆ. ಇವುಗಳ ಪರಿಣಾಮಗಳನ್ನು ನಾವು ಅಧ್ಯಯನ ಮಾಡುತ್ತಿದ್ದೇವೆ,” ಎಂದು ಸಚಿವ ಪಿಯುಷ್ ಗೊಯಲ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಈ ಹೇಳಿಕೆಯು ಮಹತ್ವದ್ದಾಗಿದ್ದು, ಭಾರತೀಯ ಪ್ರತಿನಿಧಿ ಸಂಘವು ಭಾನುವಾರ ವಾಷಿಂಗ್ಟನ್ಗೆ ತೆರಳಲಿದ್ದು, ಮೂರು ದಿನಗಳ ಕಾಲ ಚರ್ಚೆ ನಡೆಸಿ ಕಾನೂನು ಒಪ್ಪಂದವನ್ನು ಅಂತಿಮಗೊಳಿಸುವ ನಿರೀಕ್ಷೆಯಿತ್ತು. ಈ ಒಪ್ಪಂದದ ಅಡಿಯಲ್ಲಿ ಸುಂಕಗಳನ್ನು 25%ರಿಂದ 18%ಕ್ಕೆ ಇಳಿಸುವ ನಿರೀಕ್ಷೆಯಿತ್ತು. ಅಮೆರಿಕ ಕೋರ್ಟ್ ತೀರ್ಪಿನ ಬೆನ್ನಲ್ಲೇ ಅಮೆರಿಕಕ್ಕೆ ಆಮದು ಮಾಡಿಕೊಳ್ಳುವ ಸರಕುಗಳ ಮೇಲೆ 150 ದಿನಗಳ ಅವಧಿಯ ಶೇ 10ರಷ್ಟು ತಾತ್ಕಾಲಿಕ ಆಮದಿಗೆ ಸುಂಕ ವಿಧಿಸುವುದಾಗಿ ಟ್ರಂಪ್ ಹೇಳಿದ್ದಾರೆ. ಈ ಬೆಳವಣಿಗೆಯನ್ನು ನಾವು ಗಮನಿಸುತ್ತಿದ್ದೇವೆ ಎಂದು ಕೇಂದ್ರ ಸರ್ಕಾರ ಹೇಳಿದೆ.
ಭಾರತ-ಅಮೆರಿಕ ಒಪ್ಪಂದದ ಅಡಿಯಲ್ಲಿ ಭಾರತವು $500 ಬಿಲಿಯನ್ ಮೌಲ್ಯದ ಅಮೆರಿಕ ಉತ್ಪನ್ನಗಳನ್ನು ಖರೀದಿಸಲು ಒಪ್ಪಂದ ಮಾಡಿಕೊಂಡಿತ್ತು. ಈ ಬದಲಿಗೆ ಅಮೆರಿಕವು ಭಾರತದ ಮೇಲಿನ ಸುಂಕವನ್ನು 50%ರಿಂದ 18%ಕ್ಕೆ ಇಳಿಸಲು ಒಪ್ಪಿತ್ತು. ಆದರೆ ಈ ಒಪ್ಪಂದ ಇನ್ನೂ ಅಧಿಕೃತವಾಗಿ ಸಹಿ ಆಗಿಲ್ಲ. ಕೋರ್ಟ್ ಆದೇಶದ ನಂತರ ಟ್ರಂಪ್ ಅವರು Section 122 ಅಡಿಯಲ್ಲಿ ಜಾಗತಿಕವಾಗಿ 10% ಸುಂಕವನ್ನು ಘೋಷಿಸಿದ್ದಾರೆ. Section 232 (ರಾಷ್ಟ್ರೀಯ ಭದ್ರತೆ) ಮತ್ತು Section 301 (1974 ವಾಣಿಜ್ಯ ಕಾಯ್ದೆ) ಸುಂಕಗಳು ಮುಂದುವರಿಯುತ್ತವೆ. ಭಾರತದ ಸುಮಾರು 55% ರಫ್ತುಗಳು 25% ಸುಂಕದಿಂದ ಮುಕ್ತವಾಗಿವೆ (ಸಾಮಾನ್ಯ MFN ಸುಂಕಕ್ಕೆ ಮಾತ್ರ ಒಳಪಡುತ್ತವೆ). ಉಳಿದವುಗಳಲ್ಲಿ ಸ್ಟೀಲ್ ಮತ್ತು ಅಲ್ಯೂಮಿನಿಯಂಗೆ 50%, ಕೆಲವು ಆಟೋ ಕಾಂಪೋನೆಂಟ್ಗಳಿಗೆ 25% ಸುಂಕ ಮುಂದುವರಿಯುತ್ತದೆ. ಸ್ಮಾರ್ಟ್ಫೋನ್, ಪೆಟ್ರೋಲಿಯಂ ಉತ್ಪನ್ನಗಳು, ಔಷಧಗಳು ಸೇರಿದಂತೆ 40% ರಫ್ತುಗಳು ಸುಂಕ ಮುಕ್ತವಾಗಿವೆ.
ಈ ಬೆಳವಣಿಗೆಯಿಂದ ಭಾರತೀಯ ರಫ್ತುದಾರರಿಗೆ ತಾತ್ಕಾಲಿಕ ರಿಯಾಯಿತಿ ಸಿಗುವ ಸಾಧ್ಯತೆಯಿದ್ದರೂ, ಒಪ್ಪಂದದ ಭವಿಷ್ಯ ಅನಿಶ್ಚಿತವಾಗಿದೆ.
