ಟೆಹ್ರಾನ್ : ಇರಾನ್ನ ಡ್ರೋನ್ ಉತ್ಪಾದನಾ ಘಟಕದ ಮೇಲೆ ಅಮೆರಿಕ ಸೇನೆ ನಡೆಸಿದ ನಿಖರ ದಾಳಿಗೆ ಸಂಬಂಧಿಸಿದಂತೆ ಮಹತ್ವದ ಉಪಗ್ರಹ ಚಿತ್ರಗಳನ್ನು ಬಿಡುಗಡೆ ಮಾಡಲಾಗಿದೆ. ದಾಳಿಗೆ ಮುನ್ನ ಮತ್ತು ನಂತರದ ಸ್ಥಿತಿಯನ್ನು ಹೋಲಿಕೆ ಮಾಡುವ ಈ ಚಿತ್ರಗಳು ಘಟಕದ ಭಾರೀ ಹಾನಿಯನ್ನು ಸ್ಪಷ್ಟವಾಗಿ ತೋರಿಸುತ್ತವೆ.
ಡ್ರೋನ್ ಉತ್ಪಾದನಾ ಘಟಕ ದ್ವಂಸದ ಪೋಟೋವನ್ನು ಅಮೆರಿಕ ಸೇನೆ ಬಿಡುಗಡೆ ಮಾಡಿದೆ. ಮಾ.3ರಂದು ದಾಳಿಗೂ ಮುನ್ನ ಘಟಕ ಹೇಗಿತ್ತು ಮತ್ತು ಮಾ.12 ರಂದು ದಾಳಿ ಬಳಿಕ ಹೇಗಾಗಿದೆ ಎಂಬ ವಿಡಿಯೋಗಳನ್ನು ಸಹ ರಿಲೀಸ್ ಮಾಡಲಾಗಿದೆ.
ಪ್ರದೇಶದಾದ್ಯಂತ ಇರಾನ್ ಬಳಸುವ ಶಹೀದ್ ಏಕಮುಖ ದಾಳಿ ಡ್ರೋನ್ಗಳನ್ನು ತಯಾರಿಸುತ್ತಿದ್ದ ಎಸ್ಫಹಾನ್-ಖೊಮೇನಿಶಹರ್ ಡ್ರೋನ್ ಉತ್ಪಾದನಾ ಘಟಕವು ಯುಎಸ್ ಪಡೆಗಳ ನಿಖರ ದಾಳಿಯಲ್ಲಿ ತೀವ್ರವಾಗಿ ಹಾನಿಗೊಳಗಾಯಿತು. ಆಪರೇಷನ್ ಎಪಿಕ್ ಫ್ಯೂರಿಯ ಭಾಗವಾಗಿ ಇರಾನ್ನ ಕ್ಷಿಪಣಿ ಮೂಲಸೌಕರ್ಯಗಳ ಮೇಲೆ ನಡೆದ ಬೃಹತ್ ದಾಳಿಯ ಪರಿಣಾಮದ ಬಗ್ಗೆ ಮಾಹಿತಿ ಹಂಚಿಕೊಳ್ಳಲಾಗಿದೆ.
ಯುಎಸ್ ಪಡೆ ಪ್ರಕಟಿಸಿದ ಉಪಗ್ರಹ ದೃಶ್ಯಾವಳಿಗಳು, ಮಾ.3 ರಂದು ಯುಎಸ್ ದಾಳಿ ಮಾಡುವ ಮೊದಲು ಇರಾನಿನ ಎಸ್ಫಹಾನ್-ಖೊಮೇನಿಶಹರ್ ಡ್ರೋನ್ ಉತ್ಪಾದನಾ ಘಟಕವನ್ನು ತೋರಿಸಿವೆ. ಮಾರ್ಚ್.12 ರಂದು ಯುಎಸ್ ಪಡೆಗಳು ನಿಖರವಾದ ಯುದ್ಧಸಾಮಗ್ರಿಗಳೊಂದಿಗೆ ಸೌಲಭ್ಯದ ಮೇಲೆ ದಾಳಿ ಮಾಡಿದ ನಂತರದ ಚಿತ್ರಗಳನ್ನು ಸಹ ಬಿಡುಗಡೆ ಮಾಡಿದೆ.
