ಪೂರ್ವ ಉಕ್ರೇನ್ ನಗರ ಪೋಕ್ರೊವ್ಸ್ಕ್ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ರಷ್ಯಾದ ಕ್ಷಿಪಣಿ ದಾಳಿಯಲ್ಲಿ ಶನಿವಾರ 11 ಜನರು ಸಾವನ್ನಪ್ಪಿದ್ದಾರೆ ಮತ್ತು 10 ಜನರು ಗಾಯಗೊಂಡಿದ್ದಾರೆ ಎಂದು ಉಕ್ರೇನ್ ನಿಯಂತ್ರಿತ ಡೊನೆಟ್ಸ್ಕ್ ಪ್ರದೇಶದ ಗವರ್ನರ್ ತಿಳಿಸಿದ್ದಾರೆ.
ರಷ್ಯಾದ ಪಡೆಗಳು ಮಧ್ಯಾಹ್ನ 3 ಗಂಟೆ ಸುಮಾರಿಗೆ ಎಸ್ -300 ಕ್ಷಿಪಣಿಗಳೊಂದಿಗೆ ಪೋಕ್ರೊವ್ಸ್ಕ್ ಮೇಲೆ ಸಾಮೂಹಿಕ ಶೆಲ್ ದಾಳಿಯಲ್ಲಿ ತೊಡಗಿವೆ ಎಂದು ಫಿಲಾಶ್ಕಿನ್ ಉಕ್ರೇನ್ ದೂರದರ್ಶನಕ್ಕೆ ತಿಳಿಸಿದರು.
ಈ ಅನಾಗರಿಕ ದಾಳಿಯ ಪರಿಣಾಮವಾಗಿ, 3 ರಿಂದ 17 ವರ್ಷದ ಐದು ಮಕ್ಕಳು ಸೇರಿದಂತೆ 11 ಜನರು ಸಾವನ್ನಪ್ಪಿದ್ದಾರೆ. ಹತ್ತು ಜನರು ಗಾಯಗೊಂಡಿದ್ದಾರೆ. ರಕ್ಷಣಾ ಕಾರ್ಯಾಚರಣೆ ಮುಂದುವರೆದಿದೆ ಎಂದು ಅವರು ಹೇಳಿದರು.
ರಷ್ಯಾದ ನಿಯಂತ್ರಣದಲ್ಲಿರುವ ಪ್ರಾದೇಶಿಕ ಕೇಂದ್ರವಾದ ಡೊನೆಟ್ಸ್ಕ್ನಿಂದ ಸುಮಾರು 80 ಕಿ.ಮೀ (50 ಮೈಲಿ) ದೂರದಲ್ಲಿರುವ ಪೋಕ್ರೊವ್ಸ್ಕ್ ಪಟ್ಟಣ ಮತ್ತು ಹತ್ತಿರದ ಗ್ರಾಮಗಳನ್ನು ಗುರಿಯಾಗಿಸಿಕೊಂಡು ಮುಖ್ಯ ದಾಳಿ ನಡೆಸಲಾಗಿದೆ ಎಂದು ಫಿಲಾಶ್ಕಿನ್ ಈ ಹಿಂದೆ ಹೇಳಿದ್ದರು.
