ಅಮೇರಿಕ: ಅಮೇರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಸ್ಪರ್ಧಿಸಿರುವ ಭಾರತೀಯ ಮೂಲದ ಅಮೇರಿಕಾ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಬಗ್ಗೆ ಡೊನಾಲ್ಡ್ ಟ್ರಂಪ್ ಜನಾಂಗೀಯ ನಿಂದನೆ ಹೇಳಿಕೆ ನೀಡುವ ಮೂಲಕ ಕಟುವಾಗಿ ಟೀಕಿಸಿದ್ದಾರೆ.
ಈ ಬಗ್ಗೆ ಟ್ರಂಪ್ ಕಮಲಾ ಹ್ಯಾರಿಸ್ ಭಾರತೀಯರೇ? ಅಥವಾ ಕಪ್ಪು ವರ್ಣೀಯ ಮಹಿಳೆಯೇ? ಎಂದು ಪ್ರಶ್ನಿಸಿದ್ದಾರೆ.
ಚಿಕಾಗೋದ ಕಪ್ಪು ವರ್ಣೀಯ ಪ್ರತಿಕೋದ್ಯಮಿಗಳ ರಾಷ್ಟ್ರೀಯ ಸಂಘದ ಸಮ್ಮೇಳನದಲ್ಲಿ ಮಾತನಾಡಿರುವ ಟ್ರಂಪ್, ಕಮಲಾ ಹ್ಯಾರಿಸ್ ಬಗ್ಗೆ ನನಗೆ ಪರೋಕ್ಷವಾಗಿ ಗೊತ್ತು. ಮೊದಲಿನಿಂದಲೂ ಅವರು ತಮ್ಮನ್ನು ಭಾರತೀಯರು ಎಂದೇ ಬಿಂಬಿಸಿಕೊಂಡಿದ್ದರು. ಆದರೆ ಈಗ ಕಪ್ಪುವರ್ಣೀಯರು ಎಂದು ಗುರುತಿಸಿಕೊಳ್ಳಲು ಬಯಸುತ್ತಿದ್ದಾರೆ. ಹಾಗಾಗಿ ಅವರು ಕಪ್ಪುವರ್ಣೀಯರೋ ಅಥವಾ ಭಾರತೀಯರೋ ಎಂಬ ಅನುಮಾನ ಮೂಡುತ್ತಿದೆ. ಈ ಬಗ್ಗೆ ನಿಮ್ಮಲ್ಲಿ ಯಾರಾದೂರ ಪರಿಶೀಲನೆ ಮಾಡಿ ಎಂದು ಟ್ರಂಪ್ ಹೇಳಿದ್ದಾರೆ.
ಟ್ರಂಪ್ ಹೇಳಿಕೆ ತೀವ್ರ ವಿರೋಧ ವ್ಯಕ್ತಪಡಿಸಿರುವ ಡೆಮಾಕ್ರೆಟಿಕ್ ಪಕ್ಷವು, ಟ್ರಂಪ್ ಅಭ್ಯರ್ಥಿಗೆ ಅಗೌರವ ತೋರುವ ಮೂಲಕ ಮತಗಳನ್ನು ಇಬ್ಬಾಗವಾಗಿಸುವ ತಂತ್ರ ಇದಾಗಿದೆ. ಟ್ರಂಪ್, ಹ್ಯಾರಿಸ್ ವಿರುದ್ಧ ತಪ್ಪು ಸಂದೇಶ ಸಾರುತ್ತಿದ್ದಾರೆ ಎಂದು ಕಿಡಿಕಾರಿದೆ.
ಕಮಲ ಹ್ಯಾರಿಸ್ ತಾಯಿ ಮೂಲತಃ ಭಾರತೀಯರು ಹಾಗೂ ಆಕೆಯ ತಂದೆ ಜಮೈಕಾದವರಾಗಿದ್ದಾರೆ.
