ಹೊಂಬಾಳೆ ಫಿಲ್ಮ್ಸ್ ನಿರ್ಮಾಣದ ಬಹು ನಿರೀಕ್ಷಿತ ಚಿತ್ರ ಸಲಾರ್ನ ಟೀಸರ್ ಬಿಡುಗಡೆಗೆ ಕ್ಷಣಗಣನೆ ಆರಂಭವಾಗಿದೆ. ಡಿಸೆಂಬರ್ 1ರ ಸಂಜೆ 7.09ಕ್ಕೆ ಟೀಸರ್ ಬಿಡುಗಡೆಯಾಗಲಿದ್ದು, ಪ್ರಭಾಸ್ ಅಭಿಮಾನಿಗಳು ಕಾತರರಾಗಿ ಕಾಯುತ್ತಿದ್ದಾರೆ. ಈ ಹಿಂದೆ ಮೊದಲ ಟೀಸರ್ ಬಿಡುಗಡೆ ಮಾಡುವ ಮೂಲಕ ಚಿತ್ರದ ಮೇಲಿನ ಹೈಪ್ ಹೆಚ್ಚಿಸಿದ್ದ ನಿರ್ದೇಶಕ ಪ್ರಶಾಂತ್ ನೀಲ್ ಇದೀಗ ಮತ್ತೊಂದು ಟೀಸರ್ ಬಿಡುಗಡೆ ಮಾಡಿ ಚಿತ್ರದ ಮೇಲೆ ಮತ್ತಷ್ಟು ನಿರೀಕ್ಷೆ ಹೆಚ್ಚಿಸಲು ಯೋಜನೆ ಹಾಕಿಕೊಂಡಿದ್ದಾರೆ.
ಹೀಗಿರುವಾಗಲೇ ಸಲಾರ್ ಚಿತ್ರದ ಟೀಸರ್ನ ಸಣ್ಣ ತುಣುಕೊಂದು ಲೀಕ್ ಆಗಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿ ಹರಿದಾಡುತ್ತಿದೆ. ಹೌದು, ಸಲಾರ್ ಟೀಸರ್ನದ್ದು ಎನ್ನಲಾದ ಫೋಟೊವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಕೆಲವರು ಇದು ನಿಜವಾಗಿಯೂ ಸಲಾರ್ ಟೀಸರ್ನದ್ದೇ ಎಂದು ಶೇರ್ ಕೂಡ ಮಾಡಿದ್ದಾರೆ.
ಆದರೆ ಈ ಫೋಟೊ ಹಿಂದಿನ ಅಸಲಿಯತ್ತು ಬೇರೆಯೇ ಇದೆ. ಇದು 2018ರಲ್ಲಿ ತೆರೆಕಂಡ ʼಬ್ಯಾಟ್ಮ್ಯಾನ್ ಡಾರ್ಕ್ ನೈಟ್ ರೈಸಸ್ʼ ಚಿತ್ರದ ದೃಶ್ಯದ ಫೋಟೊವಾಗಿದೆ. ಇದಕ್ಕೆ ಪ್ರಭಾಸ್ ಮುಖವನ್ನು ಎಡಿಟ್ ಮಾಡಿ ಇದು ಸಲಾರ್ ಚಿತ್ರದ್ದು ಎಂದು ಸುಳ್ಳು ಪೋಸ್ಟ್ ಹಂಚಿಕೊಂಡಿದ್ದಾರೆ.
