ಇಳಿವಯಸ್ಸಿನಲ್ಲಿ ಕಾಡುವ ಆಸ್ಟಿಯೊಪೊರೋಸಿಸ್

• ಡಾ.ಉಮೇಶ್ ಚೌಡಯ್ಯ

ಆಸ್ಟಿಯೊಪೊರೋಸಿಸ್ ಕಾಯಿಲೆಯು ಮೂಳೆ ಮುರಿಯುವವರೆಗೂ ಯಾವುದೇ ರೋಗಲಕ್ಷಣ ಗಳನ್ನು ತೋರಿಸದೇ ಇರುವುದರಿಂದ ಇದನ್ನು ಮೂಕ ಕಾಯಿಲೆ ಎಂದು ಕರೆಯಲಾಗುತ್ತದೆ. ಇದೊಂದು ಮೂಳೆ ಸಂಬಂಧಿತ ಕಾಯಿಲೆಯಾಗಿದ್ದು, ಮೂಳೆ ಮುರಿತವಾಗುವ ಹಂತಕ್ಕೆ ಬೆಳವಣಿಗೆಯಾಗುವ ಸೈಲೆಂಟ್ ಕಿಲ್ಲರ್ ಎಂದೇ ಹೇಳಬಹುದಾಗಿದೆ. ಇದು ವಯಸ್ಸಾದ ಹಿರಿಯರ ಜೀವನದ ಗುಣಮಟ್ಟದ ಮೇಲೆ ದುಷ್ಪರಿಣಾಮ ಬೀರುತ್ತದೆ. ಈ ಸಮಸ್ಯೆಯ ಬಗ್ಗೆ ಅರಿವು ಮೂಡಿಸಲು, ತಡೆಗಟ್ಟಲು ಹಾಗೂ ಮೂಳೆಗಳ ಆರೋಗ್ಯ ಕಾಪಾಡಿಕೊಳ್ಳಲು ಹಲವು ಸಲಹೆಗಳು ಇಲ್ಲಿವೆ.

ಆಸ್ಟಿಯೊಪೊರೋಸಿಸ್ ಎಂದರೇನು? ಆಸ್ಟಿಯೊಪೊರೋಸಿಸ್ ಎಂದರೆ ‘ಸರಂಧ್ರ ಮೂಳೆಗಳು ಈ ರೋಗದಿಂದ ಮೂಳೆಗಳಲ್ಲಿ ಸಹಸ್ರಾರು ರಂಧ್ರಗಳಾಗಿ ಮೂಳೆಗಳು ದುರ್ಬಲಗೊಳ್ಳುತ್ತವೆ. ಈ ದುರ್ಬಲತೆಯು ಸಣ್ಣ ಬೀಳು ಏಕೆಯಿಂದ ಅಥವಾ ದೈನಂದಿನ ಚಟುವಟಿಕೆಗಳಿಂದ ಮೂಳೆ ಮುರಿತಗಳಿಗೆ ಕಾರಣವಾಗಬಹುದು. ಇದು ಸಾಮಾನ್ಯವಾಗಿ ವಯಸ್ಸಾದವರ ಮೇಲೆ ಪರಿಣಾಮ ಬೀರುತ್ತದೆ ಯಾದರೂ, ಪರಿಣಾಮಕಾರಿ ತಡೆಗಟ್ಟುವಿಕೆ ಮತ್ತು ನಿರ್ವಹಣೆಯಿಂದ ಇದರ ಪರಿಣಾಮವನ್ನು ಕಡಿಮೆ ಮಾಡಬಹುದು.

ಆಸ್ಟಿಯೊಪೊರೋಸಿಸ್ ಅಪಾಯಕಾರಿ ಅಂಶಗಳು:
ವಯಸ್ಸಾದಂತೆ ಮೂಳೆ ಸಾಂದ್ರತೆಯು ಸ್ವಾಭಾವಿಕವಾಗಿ ಕಡಿಮೆಯಾಗುತ್ತದೆ. ಮಹಿಳೆಯರು, ವಿಶೇಷವಾಗಿ ಋತುಬಂಧದ ನಂತರ ಹಾರ್ಮೋನುಗಳ ಬದಲಾವಣೆಯಿಂದಾಗಿ ಆಸ್ಟಿಯೊಪೊರೋಸಿಸ್ ಕಾಯಿಲೆಗೆ ಹೆಚ್ಚು ಒಳಗಾಗುತ್ತಾರೆ.
ಇದು ಅನುವಂಶೀಯವಾದ ಕಾರಣ ನಿಕಟ ಸಂಬಂಧಿಗಳು ಆಸ್ಟಿಯೊಪೊರೋಸಿಸ್ ಹೊಂದಿದ್ದರೆ, ಅಪಾಯವು ಹೆಚ್ಚು. ಕಳಪೆ ಆಹಾರ, ವ್ಯಾಯಾಮದ ಕೊರತೆ, ಧೂಮಪಾನ ಮತ್ತು ಅತಿಯಾದ ಮದ್ಯಪಾನದಂತಹ ಅನಾರೋಗ್ಯಕರ ಜೀವನಶೈಲಿಯೂ ಮೂಳೆಗಳನ್ನು ದುರ್ಬಲ ಗೊಳಿಸಬಹುದು.

ಹೆಚ್ಚುವರಿಯಾಗಿ ಕೆಲವು ವೈದ್ಯಕೀಯ ಪರಿಸ್ಥಿತಿಗಳು ಮತ್ತು ನಿರ್ದಿಷ್ಟ ಔಷಧಿಗಳ ದೀರ್ಘಾವಧಿಯ ಬಳಕೆಯೂ ಮೂಳೆಯ ಆರೋಗ್ಯದ ಮೇಲೆ ಋಣಾತ್ಮಕವಾಗಿ ಪರಿಣಾಮ ಬೀರಬಹುದು. ಈ ಆಸ್ಟಿಯೊಪೊರೋಸಿಸ್ ರೋಗ ನಿರ್ಣಯ ಆಸ್ಟಿಯೊಪೊರೋಸಿಸ್ ಅನ್ನು ಪರಿಣಾಮಕಾರಿ ಯಾಗಿ ನಿರ್ವಹಿಸಲು ಆರಂಭಿಕ ರೋಗನಿರ್ಣಯವು ಮುಖ್ಯವಾಗಿರುತ್ತದೆ. ಬೋನ್ ಮಿನರಲ್ ಡೆನ್ಸಿಟಿ (BMD)ಪರೀಕ್ಷೆಗಳು ಮತ್ತು ಸ್ಟೋರ್ ಮೂಳೆ ಆರೋಗ್ಯ ಮತ್ತು ಮುರಿತದ ಅಪಾಯವನ್ನು ನಿರ್ಣಯಿಸಲು ಉಪಯುಕ್ತ ಸಾಧನಗಳಾಗಿವೆ. ಈ ಪರೀಕ್ಷೆಗಳು ಆಸ್ಟಿಯೊಪೊರೋಸಿಸನ್ನು ಮೊದಲೇ ಗುರುತಿಸಲು ಮತ್ತು ಸರಿಯಾದ ಚಿಕಿತ್ಸೆಯನ್ನು ಪ್ರಾರಂಭಿಸಲು ಸಹಾಯ ಮಾಡುತ್ತದೆ.

ಆಸ್ತಿಯೊಪೊರೋಸಿಸ್ ಅನ್ನು ಪತ್ತೆಹಚ್ಚಲು ಮತ್ತು ವೈದ್ಯರ ಸಲಹೆಯಂತೆ ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳಲು ನಿಯಮಿತ ಆರೋಗ್ಯ ತಪಾಸಣೆ ಅವಶ್ಯವಾಗಿರುತ್ತದೆ.

ಆಸ್ಟಿಯೊಪೊರೋಸಿಸ್ ತಡೆಗಟ್ಟಲು ಸಲಹೆಗಳು
ಈ ಕಾಯಿಲೆಯನ್ನು ತಡೆಗಟ್ಟಲು ಮೂಳೆಯ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಮುಖ್ಯ. ಡೈರಿ ಉತ್ಪನ್ನಗಳು, ಸೊಪ್ಪು, ತರಕಾರಿಗಳು, ಮೊಟ್ಟೆ ಮತ್ತು ಮೀನುಗಳಂತಹ ಕ್ಯಾಲ್ಸಿಯಂ ಮತ್ತು ವಿಟಮಿನ್‌ ಡಿ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸಬೇಕು. ವಿಟಮಿನ್‌ ಡಿಗಾಗಿ ಸೂರ್ಯನ ಬೆಳಕಿನಲ್ಲಿ ಸಮಯವನ್ನು ಕಳೆಯುವುದೂ ಉತ್ತಮ. ತೂಕವನ್ನು ಹೊರುವ ವ್ಯಾಯಾಮಗಳು ಮತ್ತು ಶಕ್ತಿ ತರಬೇತಿಯಂತಹ ನಿಯಮಿತ
ದೈಹಿಕ ಚಟುವಟಿಕೆಯು ಮೂಳೆಗಳನ್ನು ಬಲವಾಗಿಡಲು ಸಹಾಯ ಮಾಡುತ್ತವೆ. ಯೋಗದಂತಹ ಸಮತೋಲನ ವ್ಯಾಯಾಮ ಗಳು ಸ್ಥಿರತೆಯನ್ನು ಸುಧಾರಿಸುತ್ತದೆ. ಅಲ್ಲದೆ, ಧೂಮಪಾನ ಮದ್ಯಪಾನವನ್ನು ಬಿಡುವುದು ಉತ್ತಮ.

ಲಭ್ಯವಿರುವ ಚಿಕಿತ್ಸೆಗಳು
ಆಸ್ಟಿಯೊಪೊರೋಸಿಸ್ ರೋಗನಿರ್ಣಯ ಮಾಡಿದವರಿಗೆ, ಹಲವಾರು ಚಿಕಿತ್ಸೆಗಳು ಲಭ್ಯವಿವೆ. ಔಷಧಿಗಳ ಸೇವನೆ ಜೀವನಶೈಲಿಯ ಬದಲಾವಣೆಗಳೊಂದಿಗೆ ಫಲಿತಾಂಶಗಳನ್ನು ನೀಡುತ್ತದೆ. ಅದನ್ನು ಸಂಯೋಜಿಸುವುದು ಉತ್ತಮ.
ಆಸ್ಟಿಯೊಪೊರೋಸಿಸನ್ನು ತಡೆಗಟ್ಟಲು ಆರೋಗ್ಯಕರ ಆಹಾರ, ನಿಯಮಿತ ವ್ಯಾಯಾಮ ಮತ್ತು ಸಕಾರಾತ್ಮಕ ಜೀವನಶೈಲಿಯ ಆಯ್ಕೆ ಅಗತ್ಯವಿದೆ. ಈ ಪೂರ್ವಭಾವಿ ಕ್ರಮಗಳನ್ನು ತೆಗೆದುಕೊಳ್ಳುವ ಮೂಲಕ, ವ್ಯಕ್ತಿ ತಮ್ಮ ಮೂಳೆ ಮುರಿತದ ಅಪಾಯವನ್ನು ಕಡಿಮೆ ಮಾಡಿಕೊಳ್ಳಬಹುದು ಮತ್ತು ತನ್ನ ಜೀವನದ ಗುಣಮಟ್ಟವನ್ನು ಸುಧಾರಿಸಬಹುದು.