ಕಾಸ್ಮೆಟಿಕ್ ಸ್ತ್ರೀರೋಗ ಶಾಸ್ತ್ರ ; ಮಹಿಳೆಯರ ಆರೋಗ್ಯ, ಆತ್ಮವಿಶ್ವಾಸದಲ್ಲಿ  ಹೊಸ ಅಧ್ಯಾಯ

ಇಂದಿನ ಜಗತ್ತಿನಲ್ಲಿ, ಮಹಿಳೆಯರು ಪ್ರತಿಯೊಂದು ಕ್ಷೇತ್ರದಲ್ಲೂ ಮುಂದೆ ಬರುತ್ತಿದ್ದಾರೆ. ಆದರೂ, ತಮ್ಮ ಲೈಂಗಿಕ ಆರೋಗ್ಯದ ವಿಷಯಕ್ಕೆ ಬಂದಾಗ, ಅನೇಕರು ಇನ್ನೂ ಮೌನವಾಗಿ ಬಳಲುತ್ತಿದ್ದಾರೆ. ಯೋನಿ ಸಡಿಲತೆ, ಹೆರಿಗೆಯ ನಂತರದ ಬದಲಾವಣೆಗಳು, ಮೂತ್ರದ ಅಸಂಯಮ ಅಥವಾ ದೈನಂದಿನ ಜೀವನದಲ್ಲಿನ ಅಸ್ವಸ್ಥತೆಯಂತಹ ಸಮಸ್ಯೆಗಳ ಬಗ್ಗೆ ಕುಟುಂಬಸ್ಥರೊಂದಿಗಾಗಲಿ ಅಥವಾ ವೈದ್ಯರೊಂದಿಗೆ ಮಾತನಾಡಲು ಹಿಂಜರಿಯುತ್ತಿದ್ದಾರೆ.

ಈ ಮೌನವು ಕೇವಲ ದೇಹದ ಮೇಲೆ ಪರಿಣಾಮ ಬೀರುವುದಿಲ್ಲ. ಇದು ಮನಸ್ಸು ಮತ್ತು ಭಾವನೆಗಳ ಮೇಲೂ ಸಹ ಪರಿಣಾಮ ಬೀರುತ್ತದೆ. ಅನೇಕ ಮಹಿಳೆಯರು ವರ್ಷಗಳ ಕಾಲ ತಮ್ಮ ಆಂತರಿಕ ಸಮಸ್ಯೆಗಳನ್ನು ಯಾರೊಂದಿಗೂ ಹಂಚಿಕೊಳ್ಳದೇ ತಮ್ಮಲ್ಲೇ ಅದುಮಿಟ್ಟುಕೊಳ್ಳುವುದರಿಂದ ಅವರ ಸ್ವಾಭಿಮಾನ ಕಡಿಮೆಯಾಗುವುದರೊಂದಿಗೆ, ಸಂಬಂಧ೧ಗಳಲ್ಲಿ ಬಿರುಕು ಮತ್ತು ಖಿನ್ನತೆಗೂ ಕಾರಣವಾಗುತ್ತದೆ.

ಇಂತಹ ಸಂದರ್ಭಗಳಲ್ಲಿ ಕಾಸ್ಮೆಟಿಕ್ ಸ್ತ್ರೀರೋಗ ಶಾಸ್ತ್ರವು ಮಹಿಳೆಯರಿಗೆ ನೆರವಾಗುತ್ತದೆ. ಇದು ಆಧುನಿಕ, ವೈದ್ಯಕೀಯ ವಿಶೇಷತೆಯಾಗಿದ್ದು, ಮಹಿಳೆಯರಲ್ಲಿ ಆರಾಮದಾಯಕತೆ, ಘನತೆ ಮತ್ತು ಆತ್ಮವಿಶ್ವಾಸವನ್ನು ಪುನರ್ ಸ್ಥಾಪಿಸುವ ಗುರಿಯನ್ನು ಹೊಂದಿದೆ.

ಮುಂದುವರಿದ ಲೇಸರ್ ಆಧಾರಿತ ತಂತ್ರಜ್ಞಾನವನ್ನು ಬಳಸಿಕೊಂಡು, ಈಗ ಆಕ್ರಮಣಶೀಲವಲ್ಲದ ಅಥವಾ ಕನಿಷ್ಠ ಆಕ್ರಮಣಕಾರಿ ವಿಧಾನಗಳ ಮೂಲಕ ಹಲವಾರು ಪರಿಸ್ಥಿತಿಗಳಿಗೆ ಚಿಕಿತ್ಸೆ ನೀಡಬಹುದು.

ಇದನ್ನು ಓದಿ: ಸೂಜಿಗಲ್ಲಂತೆ ಸೆಳೆಯುತ್ತಿರುವ ವಸ್ತು ಪ್ರದರ್ಶನ

ಅವುಗಳೆಂದರೆ:-

* ಯೋನಿ ಬಿಗಿಗೊಳಿಸುವಿಕೆ

* ಒತ್ತಡದ ಮೂತ್ರದ ಅಸಂಯಮಕ್ಕೆ ಚಿಕಿತ್ಸೆ

* ಖಾಸಗಿ ಪ್ರದೇಶದ ಪುನರ್ ಯೌವನ ಗೊಳಿಸುವಿಕೆ ಮತ್ತು ಪುನರುಜ್ಜೀವನ

* ಗರ್ಭಧಾರಣೆಯ ನಂತರದ ಸ್ನಾಯು ಮತ್ತು ಅಂಗಾಂಶ ಚೇತರಿಕೆ

ಈ ಆಧುನಿಕ ಚಿಕಿತ್ಸೆಗಳೊಂದಿಗೆ ಹೆಚ್ಚುವರಿ ಯಾಗಿ, FMDCJ ಚೇರ್ ಸರಳವಾದ, ಕುರ್ಚಿ ಆಧಾರಿತ ಚಿಕಿತ್ಸೆಯನ್ನು ನೀಡಲಾಗುತ್ತದೆ. ಇದು ಕೇಂದ್ರೀಕೃತ ವಿದ್ಯುತ್ಕಾಂತೀಯ ಶಕ್ತಿಯನ್ನು ಬಳಸಿಕೊಂಡು ಶ್ರೋಣಿಯ ಮೇಲ್ಭಾಗದ ಸ್ನಾಯುಗಳನ್ನು ಬಲಪಡಿಸುತ್ತದೆ.

ಈ ಆಕ್ರಮಣಶೀಲವಲ್ಲದ ವಿಧಾನವು ಮೂತ್ರದ ಅಸಂಯಮ, ಹೆರಿಗೆಯ ನಂತರದ ದೌರ್ಬಲ್ಯ ಅಥವಾ ಬಲಹೀನ ಶ್ರೋಣಿ ಹೊಂದಿರುವ ಮಹಿಳೆಯರಿಗೆ ಪ್ರಯೋಜನವನ್ನು ನೀಡುತ್ತದೆ. ಈ ಚಿಕಿತ್ಸೆ ನಂತರ ವಿಶ್ರಾಂತಿಯ ಅವಶ್ಯವಿರುವುದಿಲ್ಲ ಹಾಗೂ ಇದು ಆರಾಮಾದಾಯಕ. ಕಡಿಮೆ ಅವಧಿಯಲ್ಲೇ ಮಹಿಳೆಯರು ತಮ್ಮ ಆತ್ಮವಿಶ್ವಾಸವನ್ನು ಮರಳಿ ಪಡೆಯಲು ಸಹಾಯ ಮಾಡುತ್ತದೆ. ಪ್ರಪಂಚದಾದ್ಯಂತ ಕಾಸ್ಮೆಟಿಕ್ ಸ್ತ್ರೀರೋಗ ಶಾಸ್ತ್ರವನ್ನು ಮಹಿಳೆಯರಿಗೆ ಸುರಕ್ಷಿತ ಮತ್ತು ಸಬಲೀಕರಣ ಆಯ್ಕೆಯೆಂದು ಪರಿಗಣಿಸಲಾಗಿದೆ. ಅದೇ ತಿಳಿವಳಿಕೆ ಮತ್ತು ಮುಕ್ತತೆಯನ್ನು ನಾವು ಭಾರತದಲ್ಲಿ ಸಹ ತರುವ ಸಮಯ ಬಂದಿದೆ. ಭಾರತದ ಮಹಿಳೆಯರು ಮೌನವಾಗಿ ಬಳಲುವ ಅಗತ್ಯವಿಲ್ಲ ಎಂದು ತಿಳಿದಿರಬೇಕು. ಚಿಕಿತ್ಸೆ ಸಹಾಯ ಲಭ್ಯವಿದ್ದು, ಅದನ್ನು ಕೇಳಿ ಪಡೆಯುವುದು ಸಂಪೂರ್ಣವಾಗಿ ಸರಿ. ಅದು ಮಹಿಳೆಯರ ಹಕ್ಕು ಸಹ ಹೌದು.

ಕಾಸ್ಮೆಟಿಕ್ ಸ್ತ್ರೀರೋಗ ಶಾಸ್ತ್ರವು ಮಹಿಳೆಯರ ಆರೋಗ್ಯದಲ್ಲಿ ಹೊಸ ಅಧ್ಯಾಯವನ್ನು ಪ್ರತಿನಿಧಿಸುವುದರೊಂದಿಗೆ ಮಹಿಳೆಯರ ದೈಹಿಕ ಯೋಗಕ್ಷೇಮ ಮತ್ತು ಭಾವನಾತ್ಮಕ ಶಕ್ತಿಯನ್ನು ಒಟ್ಟುಗೂಡಿಸಲು ಸಹಾಯ ಮಾಡುತ್ತದೆ. ಪ್ರತಿಯೊಬ್ಬ ಮಹಿಳೆಯೂ ಮಾತನಾಡಲು, ಸಹಾಯ ಪಡೆಯಲು, ಆತ್ಮವಿಶ್ವಾಸ ಮತ್ತು ಹೆಮ್ಮೆಯಿಂದ ತಮ್ಮ ಯೋಗಕ್ಷೇಮವನ್ನು ಮರಳಿ ಪಡೆಯಲು ಪ್ರೋತ್ಸಾಹಿಸೋಣ.

(ಲೇಖಕರು, ಸಲಹೆಗಾರರು – ಪ್ರಸೂತಿ, ಸ್ತ್ರೀರೋಗ ಶಾಸ್ತ್ರ ಮತ್ತು ಕಾಸ್ಮೆಟಿಕ್ ಸ್ತ್ರೀರೋಗ ಶಾಸ್ತ್ರ, ಎನ್.ಜೆ.ಆಸ್ಪತ್ರೆ, ಮೈಸೂರು)

–ಡಾ.ಡಿ.ಸಿಂಧು ಲಕ್ಷ್ಮಿ