ಓದುಗರ ಪತ್ರ: ಉದ್ಯಾನವನಗಳಲ್ಲಿ ಸಂಗೀತ ವಾದ್ಯ ಜೋಡಣೆ: ಪಾಲಿಕೆ ಕ್ರಮ ಅಭಿನಂದನಾರ್ಹ

ಮೈಸೂರು ಮಹಾನಗರ ಪಾಲಿಕೆಯು ಹೊರಾಂಗಣ ಸಂಗೀತ ವಾದ್ಯಗಳ ಜೋಡಣೆ ಎಂಬ ಹೆಸರಿನಲ್ಲಿ ಉದ್ಯಾನವನಗಳಲ್ಲಿ ಸಂಗೀತ ವಾದ್ಯಗಳನ್ನು ಜೋಡಿಸುವ ವಿನೂತನ ಪ್ರಯೋಗವನ್ನು ಸುಂದರ ಹಸಿರು ಹುಲ್ಲಿನ ಹಾಸು, ಹೂವಿನ ಹಾಸು, ವಾಯು ವಿಹಾರಿಗಳ ನೆಚ್ಚಿನ ತಾಣ ಚೆಂದದ ಚೆಲುವಾಂಬ ಪಾರ್ಕ್‌ನಲ್ಲಿ ಮಾಡಲಾಗುವುದು ಎಂದು ಆಯುಕ್ತರಾದ ಎಂ.ಕೆ.ಸವಿತಾ ಅವರು ಹೇಳಿರುವುದು ಪ್ರಶಂಸನೀಯ

ಚೆಲುವಾಂಬ ಪಾರ್ಕ್ ಈಗಾಗಲೇ ನರ್ಸರಿ ಫಾರಂ, ಯೋಗ ಮಂಟಪ, ಸಂಗೀತ ಕಾರಂಜಿ, ಸುಸಜ್ಜಿತ ವಾಕಿಂಗ್ ಪಾತ್ ಮತ್ತು ಎತ್ತರದ ಮರಗಳಿಂದ ಕೂಡಿದ್ದು ಈ ಪಾರ್ಕ್ ನಲ್ಲಿ ಅಳವಡಿಸುವ ಸಂಗೀತ ವಾದ್ಯಗಳ ಸುತ್ತಲೂ ಭದ್ರತೆ ನೀಡಿ ಏಕ ಕಾಲದಲ್ಲಿ ಒಬ್ಬರು ಮಾತ್ರವೇ ಬಳಕೆ ಮಾಡಲು ಅವಕಾಶ ಕಲ್ಪಿಸಿ, ಕಳ್ಳತನವಾಗದಂತೆ ಸಿಸಿ ಕ್ಯಾಮೆರಾಗಳನ್ನು ಅಳವಡಿಸಿ ಸೂಕ್ತ ರೀತಿಯಲ್ಲಿ ನಿರ್ವಹಣೆ ಮಾಡಲಾಗುವುದು ಎಂದು ತಿಳಿಸಿರುವುದು ಒಳ್ಳೆಯದೇ ಆಗಿದೆ.

-ಬೆಸಗರಹಳ್ಳಿ ರವಿಪ್ರಸಾದ್, ಮೈಸೂರು