Andolana originals

ಒಣಗಿದ ಮರ; ʻದೂರು ಬಂದರೆ ತೆರವಿಗೆ ಕ್ರಮ’

‘ಆಂದೋಲನ’ ಸಂದರ್ಶನದಲ್ಲಿ ಡಿಸಿಎ- ಡಾ. ಕೆ. ಎನ್. ಬಸವರಾಜು ಅಭಯ

ಸಾಲೋಮನ್
ಮೈಸೂರು: ‘ಗಡ್ಡಕ್ಕೆ ಬೆಂಕಿ ಹೊತ್ತಿಕೊಂಡಾಗ ಬಾವಿ ತೋಡೋಕ್ಕೆ ಹೋದ ಹಾಗೆ. . . ’ ಇತ್ತೀಚೆಗೆ ಮೈಸೂರಿನ ಸರಸ್ವತಿಪುರಂ ಬಡಾವಣೆಯಲ್ಲಿ ಬೃಹತ್ ಮರವೊಂದು ಆಟೋಗಳ ಮೇಲೆ ಬಿದ್ದು, ವಾಹನಗಳು ಜಖಂ ಆದವು,

ಈ ಘಟನೆ ಸಂಭವಿಸುತ್ತಿದ್ದಂತೆ ಸಾರ್ವಜನಿಕರು, ‘ಅಯ್ಯೋ ರಸ್ತೆ ಬದಿಯಲ್ಲಿ ಇಂಥ ಹಲವಾರು ಮರಗಳು ಒಣಗಿ ನಿಂತು ಟೊಳ್ಳಾಗಿವೆ. ಅವು ಕೂಡ ಹೀಗೆ ಯಾರ ಮೇಲಾದರೂ ಬಿದ್ದರೆ ಏನು ಗತಿ? ಅರಣ್ಯ ಇಲಾಖೆ ಹಾಗೂ ನಗರ ಪಾಲಿಕೆಯವರು ಏಕೆ ತೆರವು ಮಾಡುತ್ತಿಲ್ಲ? ’ ಎಂಬ ಪ್ರಶ್ನೆ ಕೇಳಿಬರುತ್ತಿರುವ ಹಿನ್ನೆಲೆ ಯಲ್ಲಿ ಡಿಸಿಎ- ಡಾ. ಕೆ. ಎನ್. ಬಸವರಾಜು ಮೇಲಿನ ಒಂದು ನಾಣ್ಣುಡಿಯನ್ನು ಹೇಳಿದರು.

ಒಣಗಿದ ಮರಗಳ ಫೋಟೊ ಕಳುಹಿಸಲು ‘ಒಣ ಮರ ಜನ ಹೈರಾಣ’ ಶೀರ್ಷಿಕೆಯಡಿ ‘ಆಂದೋಲನ’ ನೀಡಿದ ಕರೆಗೆ ಸಾರ್ವಜನಿಕರ ಸ್ಪಂದನೆ ಹಿನ್ನೆಲೆಯಲ್ಲಿ, ಪತ್ರಿಕೆಯು ಅಪಾಯಕಾರಿ ಹಾಗೂ ಒಣಮರಗಳ ತೆರವಿನ ಬಗ್ಗೆ ಡಿಸಿಎ- ಬಸವರಾಜು ಅವರನ್ನು ಸಂದರ್ಶನ ಮಾಡಿದ್ದು, ಅದರ ಮುಖ್ಯಾಂಶಗಳು ಹೀಗಿದೆ.

ಆಂದೋಲನ: ಅಪಾಯಕಾರಿ ಮರಗಳಿದ್ದರೆ ಅವುಗಳ ತೆರವಿಗೆ ತೆಗೆದುಕೊಳ್ಳುವ ಕ್ರಮಗಳೇನು?
ಬಸವರಾಜು: ಒಂದು ಮರದಿಂದ ತಮಗೆ ಅಪಾಯವಿದೆ ಎನ್ನುವವರು, ಅದರ ಬಗ್ಗೆ ಮೊದಲು ಪಾಲಿಕೆಗೆ ದೂರು ನೀಡಬೇಕು. ನಿಗದಿಪಡಿಸಿದ ಬೆಲೆಯ ಆಧಾರದ ಮೇಲೆ ಅವರು ಅರಣ್ಯ ಇಲಾಖೆಗೆ ಮರ ತೆರವು ಮಾಡಲು ಅನುಮತಿ ಕೋರುತ್ತಾರೆ. ಅನುಮತಿ ನೀಡುವ ಮುನ್ನ ಆ ಮರಕ್ಕೆ ಬೆಲೆ ನಿಗದಿ ಮಾಡಿ ಇಂತಿಷ್ಟು ಬೆಲೆಗೆ ಹರಾಜು ಮಾಡಿ ತೆರವು ಮಾಡಲು ಅರಣ್ಯ ಇಲಾಖೆಯಿಂದ ಅನುಮತಿ ನೀಡುತ್ತೇವೆ. ಆನಂತರ ಪಾಲಿಕೆ ಅದನ್ನು ತೆರವು ಮಾಡುತ್ತದೆ.

ಆಂದೋಲನ: ಹರಾಜಿನ ಬೆಲೆ ದುಬಾರಿ ಆಗಿದ್ದು, ಜನರು ಖರೀದಿಸಲು ಮುಂದೆ ಬರುತ್ತಿಲ್ಲ ಎಂಬ ಆರೋಪ ಇದೆಯೆಲ್ಲಾ?

ಬಸವರಾಜು: ಹರಾಜಿಗೆ ಬೆಲೆ ನಿಗದಿಪಡಿಸಲು ನನಗೆ ಅಧಿಕಾರವಿಲ್ಲ. ಪ್ರತಿಯೊಂದು ಮರಕ್ಕೂ ಸರ್ಕಾರ ಇಂತಿಷ್ಟು ಬೆಲೆ ಎಂದು ಮೊದಲೇ ನಿರ್ಧರಿಸಿ ಸೂಚನೆ ನೀಡಿರುತ್ತದೆ. ಅದರ ಆಧಾರದ ಮೇಲೆ ನಾವೂ ಸೂಚಿಸುತ್ತೇವೆ. ಸಾರ್ವಜನಿಕರಿಂದ ದೂರು ಬಂದ ನಂತರವೇ ಈವೆಲ್ಲಾ ನಡೆಯುವುದು. ಇಂಥದ್ದೇ ಮರ ಎಂದು ದೂರು ನೀಡಿದರೆ ಆ ಬಗ್ಗೆ ನಿರ್ದಿಷ್ಟವಾದ ಕ್ರಮ ತೆಗೆದುಕೊಳ್ಳಬಹುದು. ಒಂದೊಂದು ಕಡೆ ಬೇರೆ ಬೇರೆ ಕಾರಣಕ್ಕಾಗಿ ಮರ ತೆರವು ಮಾಡಿಸುತ್ತಾರೆ. ದೂರು ಕೊಟ್ಟರೆ ಖಂಡಿತ ತೆರವಿಗೆ ಅನುಮತಿ ಕೊಡುತ್ತೇವೆ. ಕೆಲವೊಮ್ಮೆ ಹರಾಜಿಗೆ ಜನ ಬರುವುದಿಲ್ಲ, ಕೆಲವು ವೇಳೆ ಹರಾಜು ಆಗಿದ್ದರೂ ತೆರವು ಆಗಿರುವುದಿಲ್ಲ.

ಆಂದೋಲನ: ಟೊಳ್ಳಾದ, ಒಣಗಿರುವ ಮರಗಳು ಅನೇಕ ಇವೆ, ತೆರವು ವಿಳಂಬವೇಕೆ?
ಬಸವರಾಜು: ಯಾವುದೇ ಮರ ಆಗಿದ್ದರೂ ತೆರವು ಮಾಡಲು ಅರಣ್ಯ ಇಲಾಖೆಯ ಅನುಮತಿ ಬೇಕೇ ಬೇಕು. ತೆರವಿಗೆ ಮೊದಲು ದೂರು ದಾಖಲಾಗಬೇಕು. ಆಗ ಮಾತ್ರ ಸಾಧ್ಯ. ಸಾರ್ವಜನಿಕ ಸ್ಥಳಗಳಲ್ಲಿ, ಉದ್ಯಾನಗಳಲ್ಲಿ, ರಸ್ತೆ ಬದಿಯಲ್ಲಿ ಇದ್ದರೆ ಪಾಲಿಕೆಯವರು ದೂರು ನೀಡಬಹುದು. ಆಗ ಖಂಡಿತ ತೆರವು ಮಾಡಲು ಅನುಮತಿ ನೀಡುತ್ತೇವೆ.

ಆಂದೋಲನ: ಮರ ತೆರವು ಮಾಡಲು ಪಾಲಿಕೆಯಲ್ಲಿ ಸುಮಾರು ೬೦ಕ್ಕಿಂತ ಹೆಚ್ಚು ದೂರುಗಳು ದಾಖಲಾಗಿವೆ. ಅವುಗಳನ್ನು ಅರಣ್ಯ ಇಲಾಖೆಗೂ ಕಳುಹಿಸಿಕೊಡಲಾಗಿದೆ? ಆದರೆ ತೆರವು ಮಾಡಲು ಹರಾಜಿನಲ್ಲಿ ದುಬಾರಿ ಬೆಲೆ ಗೊತ್ತು ಮಾಡಿರುವುದರಿಂದ ಹರಾಜಿನಲ್ಲಿ ಯಾರೂ ಭಾಗವಹಿಸದೆ ಅಪಾಯಕಾರಿ ಮರಗಳ ತೆರವು ಸಾಧ್ಯವಾಗಿಲ್ಲ, ಮುಂದಿನ ಕ್ರಮವೇನು?
ಬಸವರಾಜು: ಇಂತಿಂಥ ಮರಕ್ಕೆ ಇಂತಿಷ್ಟೇ ಹರಾಜು ಹಣ ಎಂದು ಸರ್ಕಾರ ನಿಗದಿ ಮಾಡಿರುತ್ತದೆ ಎಂದು ಮೊದಲೇ ಹೇಳಿದ್ದೇನೆ. ಪಾಲಿಕೆಯವರು ಇಂಥದ್ದೇ ಮರ ಅಪಾಯಕಾರಿ ಎಂದು ಹೇಳಿದರೆ. ಯಾವ ರೀತಿ ಕ್ರಮ ಜರುಗಿಸಬಹುದು ಎಂದು ತೀರ್ಮಾನಿಸಿ ಕ್ರಮ ಕೈಗೊಳ್ಳಬಹುದು.

 

‘ಮರ ತೆರವಿಗೆ ಅನುಮತಿ ನೀಡಲು ಮಾತ್ರ ಅಧಿಕಾರ’
ಆಂದೋಲನ: ಮರ ಬಿದ್ದು ನಷ್ಟ ಅನುಭವಿಸುವವರು ಹಾಗೂ ಜೀವ ಕಳೆದುಕೊಂಡವರ ಕುಟುಂಬಕ್ಕೆ ಪರಿಹಾರವಿದೆಯೇ? ಯಾರು ಕೊಡುತ್ತಾರೆ?
ಬಸವರಾಜು: ಮರ ತೆರವು ಮಾಡುವುದಕ್ಕೆ, ಅನುಮತಿ ಕೊಡುವುದಕ್ಕೆ ಮಾತ್ರ ನನಗೆ ಅಽಕಾರ ಇರುವುದು. ಪರಿಹಾರ ಕೊಡುವುದಕ್ಕೆ ಇಲ್ಲ. ಅವರು ಕ್ಲೈಮ್ ಮಾಡಬಹುದು. ಸರ್ಕಾರ ನಿರ್ಧಾರ ಮಾಡುತ್ತದೆ. ಪಾಲಿಕೆ ಏನು ಮಾಡುತ್ತದೋ ನನಗೆ ಗೊತ್ತಿಲ್ಲ. ಅದೇನೇ ಇರಲಿ ದೂರು ಹಾಗೂ ಮನವಿ ಸಲ್ಲಿಸಿದಾಗ ಮಾತ್ರ ಆ ಬಗ್ಗೆ ನಮ್ಮಲ್ಲಿ ತೀರ್ಮಾನ ಕೈಗೊಳ್ಳಲು ಸಾಧ್ಯ ಎಂದು ಹೇಳಿದರು.

ಆಂದೋಲನ ಡೆಸ್ಕ್

Recent Posts

ನ.26ಕ್ಕೆ ಮೈಸೂರಿನಲ್ಲಿ ಸಂವಿಧಾನ ದಿನಾಚರಣೆ: ಕಾಂಗ್ರೆಸ್‌ ಹೈಕಮಾಂಡ್‌ ನಾಯಕರಿಗೆ ಆಹ್ವಾನ!

ನವದೆಹಲಿ: ನವೆಂಬರ್‌ 26ರಂದು ಮೈಸೂರಿನಲ್ಲಿ ಸಂವಿಧಾನ ದಿನಾಚರಣೆಯನ್ನು ಅರ್ಥಪೂರ್ಣವಾಗಿ ಆಚರಿಸಲು ರಾಜ್ಯ ಸರ್ಕಾರ ಸಿದ್ಧತೆ ನಡೆಸಿದೆ. ಕಾರ್ಯಕ್ರಮಕ್ಕೆ ಕಾಂಗ್ರೆಸ್‌ ಹೈಕಮಾಂಡ್‌…

22 mins ago

ಮಲೆ ಮಹದೇಶ್ವರ ಬೆಟ್ಟದ ರಾಜ್ಯ ಹೆದ್ದಾರಿಯಲ್ಲಿ ಅಕ್ರಮ ಶುಲ್ಕ ವಸೂಲಿ ಖಂಡಿಸಿ ರೈತರ ಬೃಹತ್ ಪ್ರತಿಭಟನೆ

ಹನೂರು: ರಾಜ್ಯದ ಪ್ರಸಿದ್ಧ ಧಾರ್ಮಿಕ ಯಾತ್ರಾ ಸ್ಥಳ ಮಲೆ ಮಹದೇಶ್ವರ ಬೆಟ್ಟದ ರಾಜ್ಯ ಹೆದ್ದಾರಿಯಲ್ಲಿ ಅಕ್ರಮವಾಗಿ ಶುಲ್ಕ ವಸೂಲಿ ಮಾಡುತ್ತಿರುವುದನ್ನು…

2 hours ago

ಸೌಜನ್ಯ ಪ್ರಕರಣ: ಸುಪ್ರೀಂ ಸೂಚನೆಯಂತೆ ಮೂವರು ವೈದ್ಯರ ಮೆಡಿಕಲ್‌ ಬೋರ್ಡ್‌ ರಚನೆ!

ದಕ್ಷಿಣ ಕನ್ನಡ: ಸೌಜನ್ಯ ಪ್ರಕರಣದ ತನಿಖೆಯಲ್ಲಿ ಎಸ್‌ಐಟಿ ಮತ್ತೊಂದು ಹೆಜ್ಜೆ ಇಟ್ಟಿದೆ. ಸುಪ್ರೀಂ ಕೋರ್ಟ್‌ ಆದೇಶದಂತೆ ಮೂವರು FSL ವೈದ್ಯರನ್ನೊಳಗೊಂಡ…

2 hours ago

‘ನಾವೆಲ್ಲರೂ ಸ್ನೇಹಿತರು, ಭಾರತೀಯರು’: ವಿಜಯ್‌ ಭೇಟಿ ಬಗ್ಗೆ ಡಿಕೆಶಿ ಸ್ಪಷ್ಟನೆ!

ಬೆಂಗಳೂರು: ‘ನಾವೆಲ್ಲರೂ ಸ್ನೇಹಿತರು, ನಾವೆಲ್ಲರೂ ಭಾರತೀಯರು’ ಎಂದು ತಮಿಳುನಾಡು ಮುಖ್ಯಮಂತ್ರಿ ವಿಜಯ್‌ ಜೊತೆಗಿನ ಭೇಟಿಯ ಬಗ್ಗೆ ಡಿಕೆ ಶಿವಕುಮಾರ್‌ ಪ್ರತಿಕ್ರಿಯಿಸಿದ್ದಾರೆ.…

2 hours ago

ಖಾಸಗಿ ಆಸ್ಪತ್ರೆಗಳೇ ಗಮನಿಸಿ: ಚಿಕಿತ್ಸಾ ದರಪಟ್ಟಿ ಹಾಕದಿದ್ದರೆ ಕ್ರಮ!

ಬೆಂಗಳೂರು: ಖಾಸಗಿ ಆಸ್ಪತ್ರೆಯಲ್ಲಿ ಯಾವ ಚಿಕಿತ್ಸೆಗೆ ಎಷ್ಟು ಖರ್ಚು? ಈ ಮಾಹಿತಿ ರೋಗಿಗಳಿಗೆ ಮೊದಲೇ ಸಿಗುವಂತೆ ಮಾಡಲು ಆರೋಗ್ಯ ಇಲಾಖೆ ಕಟ್ಟುನಿಟ್ಟಿನ…

4 hours ago

ಬೋನಿನ ಗೇಟ್ ತೆರೆಯುತ್ತಿದ್ದಂತೆ ಸಿಬ್ಬಂದಿ ಮೇಲೆ ದಾಳಿ ನಡೆಸಿ ಚಿರತೆ ಪರಾರಿ!

ಮೈಸೂರು: ತಾಲೂಕಿನ ಮರಸೆ ಗ್ರಾಮದಲ್ಲಿ ಸೆರೆಹಿಡಿದಿದ್ದ ಚಿರತೆಯೊಂದು ಅರಣ್ಯ ಸಿಬ್ಬಂದಿ ಮೇಲೆ ದಾಳಿ ನಡೆಸಿ ಪರಾರಿಯಾಗಿದ್ದು, ಈ ದೃಶ್ಯ ಮೊಬೈಲ್‌ನಲ್ಲಿ…

4 hours ago