ತುರ್ತು ಪರಿಸ್ಥಿತಿ ಇಡೀ ದೇಶವನ್ನು ಜೈಲಾಗಿ ಪರಿವರ್ತಿಸಿತ್ತು: ದೆಹಲಿ ಸಿಎಂ ರೇಖಾ ಗುಪ್ತಾ

ನವದೆಹಲಿ: ಸಂವಿಧಾನದವನ್ನು ಜೇಬಿನಲ್ಲಿ ಇಟ್ಟುಕೊಂಡವರು ತಮ್ಮ ಸರ್ಕಾರದ ಅವಧಿಯಲ್ಲೇ ಅದನ್ನು ಕೊಂದದ್ದು ತಾವೇ ಎಂಬುದನ್ನು ಮನನ ಮಾಡಿಕೊಳ್ಳಬೇಕು ಎಂದು ದೆಹಲಿ ಮುಖ್ಯಮಂತ್ರಿ ರೇಖಾ ಗುಪ್ತಾ ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದರು.

ಈ ಕುರಿತು ಮಾತನಾಡಿದ ಅವರು, ತುರ್ತು ಪರಿಸ್ಥಿತಿ ಇಡೀ ದೇಶವನ್ನು ಜೈಲಾಗಿ ಪರಿವರ್ತಿಸಿತ್ತು. ನಾಗರಿಕರ ಸ್ವಾತಂತ್ರವನ್ನು ಕಟ್ಟಿ ಹಾಕಲಾಗಿತ್ತು. ವಿಚಾರಣೆ ಮಾಡದೆಯೇ ವಿನಾಕಾರಣ ವಿರೋಧ ಪಕ್ಷಗಳನ್ನು ಜೈಲಿನಲ್ಲಿಡಲಾಯಿತು. ಇಂದಿರಾ ಗಾಂಧಿಯವರ ಆಳ್ವಿಕೆಯಲ್ಲಿ ಒಂದು ಅಧಿಕಾರದ ಸ್ಥಾನವನ್ನು ರಕ್ಷಿಸಲು ಎಲ್ಲಾ ಹಕ್ಕುಗಳನ್ನು ಕಸಿದುಕೊಳ್ಳಲಾಯಿತು ಎಂದು ದೂರಿದರು.

ಪ್ರತಿ ಜೂನ್.25ರಂದು ನಾವು ತುರ್ತು ಪರಿಸ್ಥಿತಿಯನ್ನು ಏಕೆ ನೆನಪಿಸಿಕೊಳ್ಳುತ್ತೇವೆ ಎಂದು ಕೆಲವರು ಕೇಳುತ್ತಾರೆ. ಇದು ರಾವಣನಾಗಬಾರದು ಎಂದು ನೆನಪಿಸಲು ಪ್ರತಿ ವರ್ಷ ಪ್ರದರ್ಶಿಸಲಾಗುವ ರಾಮಲೀಲಾದಂತಿದೆ. ಯಾವುದೇ ನಾಯಕ ಅಥವಾ ಸರ್ಕಾರವು ಅದನ್ನು ಪುನರಾವರ್ತಿಸಲು ಎಂದಿಗೂ ಧೈರ್ಯ ಮಾಡದಂತೆ ನಾವು ತುರ್ತು ಪರಿಸ್ಥಿತಿಯನ್ನು ನೆನಪಿಸಿಕೊಳ್ಳುತ್ತೇವೆ ಎಂದರು.

ಮುಖ್ಯಮಂತ್ರಿ ಮಹಿಳಾ ರಾಜಕೀಯ ಕಾರ್ಯಕರ್ತರು ಹಿಂದಿನ ಮತ್ತು ಪ್ರಸ್ತುತ ರಾಜಕೀಯ ಘಟನೆಗಳ ಬಗ್ಗೆ ತಮನ್ನು ತಾವು ಶಿಕ್ಷಣ ಮಾಡಿಕೊಳ್ಳಬೇಕೆಂದು ಒತ್ತಾಯಿಸಿದರು.

ನಾವು ಮಹಿಳೆಯರಾಗಿ, ರಾಜಕೀಯವಾಗಿ ಏನು ನಡೆಯುತ್ತಿದೆ ಮತ್ತು ಮೊದಲು ಏನು ನಡೆದಿದೆ ಎಂಬುದರ ಸಂದರ್ಭವನ್ನು ಅರ್ಥಮಾಡಿಕೊಳ್ಳಬೇಕು ಎಂದರು.

ಜೂನ್ 25, 1975ರಂದು ಆಗಿನ ಪ್ರಧಾನಿ ಇಂದಿರಾ ಗಾಂಧಿ ವಿಧಿಸಿದ ತುರ್ತು ಪರಿಸ್ಥಿತಿ ಮಾರ್ಚ್ 21, 1977ರವರೆಗೆ ನಡೆಯಿತು. ಇದನ್ನು ಪತ್ರಿಕಾ ಸೆನ್ಸಾರ್ಶಿಪ್, ಸಾಮೂಹಿಕ ಬಂಧನಗಳು ಮತ್ತು ಪ್ರಜಾಪ್ರಭುತ್ವ ಸ್ವಾತಂತ್ರ್ಯಗಳ ದಮನದಿಂದ ಗುರುತಿಸಲ್ಪಟ್ಟ ಅವಧಿ ಎಂದು ವ್ಯಾಪಕವಾಗಿ ನೆನಪಿಸಿಕೊಳ್ಳಲಾಗುತ್ತದೆ.