ಹಾಡು ಪಾಡು

ಎರಡು ಗಂಟೆ ಹೆಣ್ಣಾದಾಗಲೇ ಹೀಗೆ! ಪೂರ್ತಿ ಹೆಣ್ಣು ಜನ್ಮದ ಸಂಕಷ್ಟ ಹೇಗಿರಬಹುದು?

ಪಾತು

ದೆಹಲಿ ನಗರ, ಹಗಲಿನ ಬೆಳಕು ನಿಧಾನಕ್ಕೆ ಕರಗಿ ಕತ್ತಲು ಇಷ್ಟಿಷ್ಟಾಗಿ ನಗರವನ್ನು ಆವರಿಸಿಕೊಳ್ಳುತ್ತಿತ್ತು, ರಸ್ತೆಗಳು ನಿರ್ಜನವಾಗುತ್ತಿದ್ದವು. ಇದೇ ಹೊತ್ತಲ್ಲಿ, ದೆಹಲಿಯ ಕಂಟೆಂಟ್ ಕ್ರಿಯೇಟರ್ ಅಮನ್ ಜೈನ್ ಒಂದು ಪ್ರಯೋಗಕ್ಕೆ ಮುಂದಾದರು. ಮಹಿಳೆಯೊಬ್ಬರು ರಾತ್ರಿ, ಒಬ್ಬರೇ ನಗರದಲ್ಲಿ ಸಂಚರಿಸುವಾಗ ಎದುರಿಸುವ ಪರಿಸ್ಥಿತಿಯನ್ನು ಅರ್ಥಮಾಡಿಕೊಳ್ಳುವುದು ಅವರ ಉದ್ದೇಶವಾಗಿತ್ತು.

ಗುಲಾಬಿ ಬಣ್ಣದ ಉಡುಪು, ಮೇಕಪ್ ಹಾಗೂ ಮುಖಕ್ಕೆ ದುಪಟ್ಟಾ ಸುತ್ತಿಕೊಂಡು ಅಮನ್ ಸ್ಕೂಟಿಯಲ್ಲಿ ಹೊರಟರು. ಹಾಗೆ ಹೋಗುವಾಗ ತಮ್ಮ ಅನುಭವವನ್ನು ವಿಡಿಯೋದಲ್ಲಿ ದಾಖಲಿಸುತ್ತಾ ಸಾಗಿದರು. ಆದರೆ ಪ್ರಯೋಗ ಆರಂಭವಾದ ಕೆಲವೇ ಸಮಯದಲ್ಲಿ ಅವರಿಗೆ ಪರಿಸ್ಥಿತಿಯ ಗಂಭೀರತೆ ಅರ್ಥವಾಗತೊಡಗಿತು.

ಪೆಟ್ರೋಲ್ ಹಾಕಿಸಲೆಂದು ಬಂಕಿಗೆ ಹೋದಾಗಲೇ ಕೆಲವು ಕಣ್ಣುಗಳು ಅವರನ್ನು ಕೆಕ್ಕರಿಸಿ ನೋಡತೊಡಗಿದವು. ರಸ್ತೆಗೆ ಬಂದ ಬಳಿಕ ಒಬ್ಬ ಸೈಕಲ್ ಸವಾರ ಅವರನ್ನು ಹಿಂಬಾಲಿಸಲು ಆರಂಭಿಸಿದ. ಇಬ್ಬರು ಯುವಕರು ಬೈಕ್ ನಲ್ಲಿ ಮುಂದೆ ಹೋಗಿ ನಿಂತು, ಅವರು ಬಂದಾಗ ಮತ್ತೆ ಹಿಂಬಾಲಿಸಿದರು. ಎರಡು ಆಟೋರಿಕ್ಷಾಗಳೂ ಅವರ ಹಿಂದೆ ಬಂದವು. ನಂತರ ಎರಡು ಕಾರುಗಳು ಕೂಡ ಸಾಕಷ್ಟು ದೂರ ಅವರನ್ನು ಹಿಂಬಾಲಿಸಿದವು. ಕೊನೆಗೂ ಕೆಲವರು ಅವರನ್ನು ಹಿಂಬಾಲಿಸುವುದನ್ನು ನಿಲ್ಲಿಸಿದ್ದು ವಿಡಿಯೋ ಚಿತ್ರೀಕರಣ ಆಗುತ್ತಿರುವುದನ್ನು ಕಂಡು.

ಬೆನ್ನು ಹತ್ತಿ ಬರುವ ಕಣ್ಣುಗಳು ಅಮನ್ ಅವರನ್ನು ನಿರಂತರ ಬೆದರಿಸುತ್ತಿದ್ದರೆ, ಆ ಕಣ್ಣುಗಳಲ್ಲಿದ್ದ ಪೈಶಾಚಿಕತೆ ಅವರೊಳಗೆ ಹೇವರಿಕೆ ಹುಟ್ಟಿಸುತ್ತಿತ್ತು. ರಾಷ್ಟ್ರ ರಾಜಧಾನಿಯ ಪುರುಷರ ದಾಷ್ಟ ತೆ ಮತ್ತು ನಿರ್ದಯತೆ ಆತಂಕ ಹುಟ್ಟಿಸುತ್ತಿತ್ತು. ಕೇವಲ ಎರಡು ಗಂಟೆಗಳ ಕಾಲ ಹೆಣ್ಣಾಗಲು, ಹೆಣ್ಣಿನಂತೆ ಇರಲು ನಿರ್ಧರಿಸಿದಾಗ ಹೀಗಾಗಬೇಕಾದರೆ ಈ ನಗರದಲ್ಲಿ ಬದುಕುತ್ತಿರುವ, ಕೆಲಸಕ್ಕೆಂದೋ, ಇನ್ನಾವುದೋ ಕಾರಣಕ್ಕೆಂದೋ ಹೊರಹೋಗುವ ಅನಿವಾರ್ಯತೆ ಇರುವ ಹೆಣ್ಣುಮಕ್ಕಳು ಪ್ರತಿದಿನ ಅನುಭವಿಸಬೇಕಿರುವ ಈ ಆತಂಕ ವನ್ನೂ, ಅನಿಶ್ಚಿತತೆಯನ್ನೂ ಗ್ರಹಿಸಿ ಸ್ವತಃ ಅವರೇ ಭಯಬಿದ್ದರು. ಸುಮಾರು ಎರಡು ಗಂಟೆಗಳ ಬಳಿಕ ಅವರು ಈ ಪ್ರಯೋಗವನ್ನು ನಿಲ್ಲಿಸಿದರು. ಈ ಅನುಭವ ತಮ್ಮ ನಿರೀಕ್ಷೆಗಿಂತ ಹೆಚ್ಚು ಅಹಿತಕರ ಮತ್ತು ಭಯಾನಕವಾಗಿತ್ತು ಎಂದು ಆನಂತರ ಅವರು ಹೇಳಿದರು.

ಈ ವಿಡೀಯೋ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ಅನೇಕ ಮಹಿಳೆಯರು ತಮ್ಮ ಅನು ಭವಗಳನ್ನು ಹಂಚಿಕೊಂಡರು. ಕೆಲವರು, ಇದು ಕೇವಲ ರಾತ್ರಿ ಎದುರಾಗುವ ಸಮಸ್ಯೆಯಲ್ಲ; ಹಗಲಿನಲ್ಲಿಯೂ ಇಂತಹ ಅನುಭವಗಳು ಎದುರಾಗುತ್ತವೆ ಎಂಬ ಭಯಾನಕ ಸತ್ಯವನ್ನು ಮುಂದಿಟ್ಟರು.

ಇದರ ಜೊತೆಗೆ, ಈ ಘಟನೆ ಸಾಮಾಜಿಕ ಮಾಧ್ಯಮದ ಮತ್ತೊಂದು ಸಾಧ್ಯತೆಯ ಬಗ್ಗೆಯೂ ಬೆಳಕು ಚೆಲ್ಲಿತು. ‘ವ್ಯೂಸ್’ ಮತ್ತು ‘ಲೈಕ್’ಗಳನ್ನು ಮೀರಿ, ಸಾಮಾಜಿಕ ಮಾಧ್ಯಮವನ್ನು ಸಾಮಾಜಿಕ ಅರಿವು, ಹೊಣೆಗಾರಿಕೆ ಮತ್ತು ಬದಲಾವಣೆಯ ಸಾಧನವಾಗಿಯೂ ಬಳಸಬಹುದು ಮತ್ತು ‘ವೈರಲ್’ ಆಗಬಹುದು ಎಂಬುದನ್ನು ತೋರಿಸಿಕೊಟ್ಟಿತು.

” ದೆಹಲಿಯ ಕಂಟೆಂಟ್ ಕ್ರಿಯೇಟರ್ ಅಮನ್ ಜೈನ್ ಕಂಡುಕೊಂಡ ಭಯಾನಕ ಸತ್ಯ”

 

 

ಆಂದೋಲನ ಡೆಸ್ಕ್

Recent Posts

‘40 ವರ್ಷದ ಗೆಳೆತನಕ್ಕೆ ಬಿರುಕು ಸಾಧ್ಯವೇ ಇಲ್ಲ’: ಸಂಸದ ಸುನಿಲ್‌ ಬೋಸ್‌

ಮೈಸೂರು: ಸಿದ್ದರಾಮಯ್ಯ ಮತ್ತು ಮಹದೇವಪ್ಪ ನಡುವೆ ಮುನಿಸು ಮೂಡಿದೆ ಎಂಬ ವರದಿಗಳಿಗೆ ಸಂಸದ ಸುನಿಲ್‌ ಬೋಸ್‌ ಮೈಸೂರಿನಲ್ಲಿ ಪ್ರತಿಕ್ರಿಯಿಸಿದ್ದಾರೆ. ಇಬ್ಬರದ್ದು…

3 mins ago

ವಾಹನ ಸವಾರರಿಗೆ ಗುಡ್‌ ನ್ಯೂಸ್‌: ಇನ್ಮುಂದೆ ಪದೇ ಪದೇ ಮಾಲಿನ್ಯ ತಪಾಸಣೆ ಮಾಡಿಸಬೇಕಿಲ್ಲ

ನವದೆಹಲಿ: ನಿಮ್ಮ ಖಾಸಗಿ ಕಾರು ಅಥವಾ ಬೈಕ್‌ ಬಿಎಸ್‌-6 ಮಾದರಿಯದ್ದೇ? ಹಾಗಿದ್ದರೆ ಮಾಲಿನ್ಯ ತಪಾಸಣೆಯ ಅವಧಿಯಲ್ಲಿ ನಿಮಗೊಂದು ಸಿಹಿಸುದ್ದಿ ಇದೆ.…

7 mins ago

ಕರ್ನಾಟಕದಲ್ಲಿ ಇನ್ನೆರಡು ದಿನ ಚಳಿ ಹೆಚ್ಚುವ ಸಾಧ್ಯತೆ, ವಿಜಯಪುರದಲ್ಲಿ 12.9°C ದಾಖಲು

ಬೆಂಗಳೂರು: ಕರ್ನಾಟಕದಲ್ಲಿ ಇನ್ನೆರಡು ದಿನ ಚಳಿ ಹೆಚ್ಚಾಗುವ ಸಾಧ್ಯತೆಯಿದೆ. ನವೆಂಬರ್‌ 20ರ ಹವಾಮಾನ ವರದಿ ಪ್ರಕಾರ, ರಾಜ್ಯದ ಬಯಲು ಪ್ರದೇಶಗಳ ಪೈಕಿ…

11 mins ago

ಬಾಂಗ್ಲಾದೇಶದಲ್ಲಿ ಹಿಂಸಾಚಾರ: ಯೂನಸ್‌ ಮನೆಗೆ ಬೆಂಕಿ, ಘರ್ಷಣೆಗಳಲ್ಲಿ ನಾಲ್ವರು ಸಾವು

ಢಾಕಾ: ಬಾಂಗ್ಲಾದೇಶದಲ್ಲಿ ಮತ್ತೆ ರಾಜಕೀಯ ಉದ್ವಿಗ್ನತೆ ಭುಗಿಲೆದ್ದಿದೆ. ಅವಾಮಿ ಲೀಗ್‌ ಕರೆ ನೀಡಿದ್ದ ಪ್ರತಿಭಟನೆಗೂ ಮುನ್ನ ನಡೆದ ಘರ್ಷಣೆಗಳಲ್ಲಿ ನಾಲ್ವರು…

14 mins ago

ಒಡಿಶಾ ಕರಾವಳಿಗೆ ‘ಅಕ್ವಾನ್’ ಭೀತಿ: 1.2 ಲಕ್ಷಕ್ಕೂ ಹೆಚ್ಚು ಜನರ ಸ್ಥಳಾಂತರ, 69 ರೈಲು ರದ್ದು

ಒಡಿಶಾ: ‘ಅಕ್ವಾನ್’ ಚಂಡಮಾರುತದ ಹಿನ್ನೆಲೆಯಲ್ಲಿ ಒಡಿಶಾದಲ್ಲಿ 1 ಲಕ್ಷ 20 ಸಾವಿರಕ್ಕೂ ಹೆಚ್ಚು ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಲಾಗಿದೆ. ಚಂಡಮಾರುತದ…

18 mins ago

ವ್ಯಕ್ತಿ ಮೇಲೆ ಕಾಡುಕೋಣ ದಾಳಿ : ಸಾವು

ಮಂಡ್ಯ : ಹಸು ಮೇಯಿಸಲು ಆರಣ್ಯದಂಚಿಗೆ ತೆರಳಿದ್ದ ವೃದ್ಧರೊಬ್ಬರ ಮೇಲೆ ಕಾಡುಕೋಣ ಏಕಾಏಕಿ ದಾಳಿ ನಡೆಸಿದ ಪರಿಣಾ ಮ ಅವರು…

21 mins ago