ಓದುಗರ ಪತ್ರ: ಮಹಾತ್ಮರ ರಾಮರಾಜ್ಯದ ಕಲ್ಪನೆಯ ಸಂದೇಶ ಸಾಕಾರಗೊಳ್ಳಲಿ

ಗಾಂಧಿ ಜಯಂತಿಯಾದ ಅ.೨ರಂದು ದೇಶಾದ್ಯಂತ ರಾಷ್ಟ್ರಪಿತ ಮಹಾತ್ಮ ಗಾಂಧಿಯವರನ್ನು ನೆನೆಯಲಾಗುತ್ತದೆ. ಬಾಪು ಎಂದೇ ಕರೆಯಲ್ಪಡುವ ಗಾಂಧೀಜಿ ಈ ದೇಶದ ಸ್ವಾತಂತ್ರಕ್ಕಾಗಿ ಹೋರಾಡಿದ ಅಪ್ರತಿಮ ನಾಯಕರು ಅಧಿಕಾರವನ್ನು ಎಂದೂ ಬಯಸದ ಮಹಾತ್ಮರು. ನಮ್ಮ ಸಮಾಜದಲ್ಲಿ ಬೇರೂರಿರುವ ಅಸಮಾನತೆ, ಜತೀಯತೆ, ಲಿಂಗ ಭೇದ ಮುಂತಾದ ಸಾಮಾಜಿಕ ಪಿಡುಗುಗಳ ವಿರುದ್ಧ ಹೋರಾಡಿದವರು.

ಸತ್ಯ ಎಂದಿದ್ದರೂ ಜಯಿಸುತ್ತದೆ ಎಂದು ನಂಬಿದ್ದ ಅವರು ಸತ್ಯಮೇವ ಜಯತೆ ಎಂಬ ಬೀಜ ಮಂತ್ರವನ್ನು ಎಡೆ ಸಾರಿದರು. ಅಹಿಂಸೆಯ ಪ್ರವರ್ತಕರಾಗಿ, ಶಾಂತಿಯ ದೂತರಾಗಿ, ರಾಮ ರಾಜ್ಯದ ಪರಿಕಲ್ಪನೆಯನ್ನು ಬೆಳಕಿಗೆ ತಂದ ಮಹಾತ್ಮ, ಆಳುವ ಸರ್ಕಾರ ಇಂತಹ ಉತ್ತಮ ವ್ಯವಸ್ಥೆಗೆ ಸಂಕಲ್ಪಬದ್ಧರಾಗ ಬೇಕೆಂದು ಕರೆ ನೀಡಿದವರು. ತಾವು ನಂಬಿದ್ದ ತತ್ವ ಹಾಗೂ ಸಿದ್ಧಾಂತಗಳಿಗೆ ಬದ್ಧರಾಗಿದ್ದರು. ಅವರ ವಿಚಾರಧಾರೆಗಳು ಇಂದಿಗೂ ಪ್ರಸ್ತುತವಾಗಿವೆ.

-ಕೆ.ವಿ.ವಾಸು, ಮೈಸೂರು