ಚಿರಂಜೀವಿ ಸಿ.ಹುಲ್ಲಹಳ್ಳಿ
ಸತತ ಆರು ಬಾರಿ ಅಂಬಾರಿ ಹೊತ್ತಿದ್ದ ಆನೆ; ಈ ಬಾರಿ ನಿಶಾನೆ ಆನೆಯಾಗಿ ಭಾಗಿಯಾಗುವ ಸಾಧ್ಯತೆ
ಮೈಸೂರು: ದಸರಾ ಜಂಬೂಸವಾರಿಯಿಂದ ನಿವೃತ್ತಿಗೊಂಡಿರುವ ಕೂಂಬಿಂಗ್ ಸ್ಪೆಷಲಿಸ್ಟ್ ‘ಅಭಿಮನ್ಯು’ ಅ.೫ರಂದು ಅರಮನೆ ಪ್ರವೇಶಿಸಲಿದೆ.
ಸತತ ಆರು ವರ್ಷಗಳ ಕಾಲ ಚಿನ್ನದ ಅಂಬಾರಿಯನ್ನು ಹೊತ್ತು ಜಂಬೂಸವಾರಿಯ ವೈಭವ ಹೆಚ್ಚಿಸಿದ್ದ ಅಭಿಮನ್ಯುವಿನ ಆಗಮನ ಈ ಬಾರಿಯ ದಸರಾದಲ್ಲಿ ವಿಶೇಷ ಕುತೂಹಲ ಮೂಡಿಸಿದೆ.
೨೦೨೦ರಿಂದ ೨೦೨೫ರವರೆಗೆ ಸತತ ಆರು ಬಾರಿ ೭೫೦ ಕೆ.ಜಿ ತೂಕದ ಚಿನ್ನದ ಅಂಬಾರಿ ಯನ್ನು ಹೊತ್ತು ಸಾಗಿದ್ದ ಅಭಿಮನ್ಯು, ೬೦ ವರ್ಷ ಪೂರೈಸಿದ ಹಿನ್ನೆಲೆಯಲ್ಲಿ ಈ ಬಾರಿ ಅಂಬಾರಿ ಆನೆಯಾಗಿ ಆಯ್ಕೆಯಾಗಿರಲಿಲ್ಲ. ಆದರೆ, ದಸರಾ ಮಹೋತ್ಸವದೊಂದಿಗೆ ಅವನಿಗಿರುವ ಅವಿನಾಭಾವ ಸಂಬಂಧ ಹಾಗೂ ಸುದೀರ್ಘ ಸೇವೆಯನ್ನು ಪರಿಗಣಿಸಿ ಮತ್ತು ಗೌರವಯುತವಾಗಿ ಬೀಳ್ಕೊಡುಗೆ ನೀಡುವಂತೆ ಒತ್ತಾಯ ಕೇಳಿಬಂದ ಹಿನ್ನೆಲೆಯಲ್ಲಿ ಅಂತಿಮ ಬಾರಿಗೆ ಜಂಬೂ ಸವಾರಿಯಲ್ಲಿ ಪಾಲ್ಗೊಳ್ಳಲು ಸರ್ಕಾರ ಅವಕಾಶ ಕಲ್ಪಿಸಿದೆ.
‘ನಿಶಾನೆ ಆನೆ’ಯಾಗುವ ಸಂಭಾವ: ೬೦ ವರ್ಷದ ತುಂಬಿದ ಆನೆಗಳಿಗೆ ತೂಕ ಹೊರುವ ಕೆಲಸಗಳನ್ನು ಮಾಡಿಸಬಾರದು ಎಂದು ಸುಪ್ರೀಂಕೋರ್ಟ್ ಆದೇಶವಿದೆ. ಹೀಗಾಗಿ ಅಭಿಮನ್ಯುವಿಗೆ ಭಾರ ಹೊರಿಸುವ ಮತ್ತು ಇತರೆ ಯಾವುದೇ ಜವಾಬ್ದಾರಿಯನ್ನು ನೀಡುವ ಪ್ರಕ್ರಿಯೆ ಇರುವುದಿಲ್ಲ. ಅದರ ಬದಲು ಈ ಹಿಂದೆ ೬೦ ತುಂಬಿದ ಬಲರಾಮ ಮತ್ತು ಅರ್ಜುನ ನಿಶಾನೆ ಆನೆ ಜವಾಬ್ದಾರಿ ಕೊಟ್ಟಂತೆ ಅಭಿಮನ್ಯುವಿಗೂ ದಸರಾಗೆ ನಿಶಾನೆ ಜವಾಬ್ದಾರಿ ನೀಡುವ ಸಾಧ್ಯತೆ ಇದೆ.
೨೫ ವರ್ಷಗಳ ದಸರಾ ಸೇವೆ:
ಅಭಿಮನ್ಯು ಸುಮಾರು ೨೫ ವರ್ಷಗಳ ಕಾಲ ಮೈಸೂರು ದಸರಾ ಗಜಪಡೆಯೊಂದಿಗೆ ಗುರುತಿಸಿಕೊಂಡಿದ್ದಾನೆ. ಅಂಬಾರಿ ಹೊರುವ ಜವಾಬ್ದಾರಿಯ ಜತೆಗೆ ಕಾಡಾನೆ ಹಾಗೂ ಹುಲಿ ಸೆರೆ ಕಾರ್ಯಾಚರಣೆಗಳಲ್ಲಿಯೂ ಭಾಗವಹಿಸಿದ್ದಾನೆ. ೩೦೦ಕ್ಕೂ ಹೆಚ್ಚು ಕಾಡಾನೆಗಳನ್ನು ಸೆರೆಹಿಡಿಯುವ ಕಾರ್ಯಾಚರಣೆ ಹಾಗೂ ೮೦ಕ್ಕೂ ಹೆಚ್ಚು ಹುಲಿ ಸೆರೆ ಕಾರ್ಯಾಚರಣೆಗಳಲ್ಲಿ ಪಾಲ್ಗೊಂಡಿರುವ ಅನುಭವವೂ ಆತನಿಗಿದೆ.
ವೈಡ್ ಆಂಗಲ್: ಬಾ.ನಾ.ಸುಬ್ರಹ್ಮಣ್ಯ ಅವರ ವಾರದ ಅಂಕಣ ಇಂದಿನಿಂದ ೨೮ರವರೆಗೆ ಗೋವಾದಲ್ಲಿ ನಡೆಯಲಿರುವ ‘ಚಿತ್ರಜಾತ್ರೆ’ ಭಾರತದ ಅಂತಾರಾಷ್ಟ್ರೀಯ ಚಿತ್ರೋತ್ಸವದ (ಇಂಟರ್…
ಕೇಶವ ಎಂ. ಹೆಚ್ಚು ತ್ತಲೇ ಇದೆ ಆನೆಗಳ ಮರಣ; ವಿದ್ಯುತ್ ಸ್ಪರ್ಶದಿಂದಲೇ ೫೫ ಆನೆಗಳು ಅಸುನೀಗಿದವು ಮೈಸೂರು: ರಾಜ್ಯದಲ್ಲಿ ೨೦೨೧ರಿಂದ…
ಪುನೀತ್ ಮಡಿಕೇರಿ ಮಡಿಕೇರಿಯಲ್ಲಿ ೧೦ಕ್ಕೂ ಹೆಚ್ಚು ಖಾಸಗಿ ಬೈಕ್ ಕಂಪೆನಿಗಳು ಕಾರ್ಯನಿರ್ವಹಣೆ; ಬಾಡಿಗೆ ಆಟೋ, ಕಾರು ಚಾಲಕರಿಗೆ ಸಂಕಷ್ಟ ಮಡಿಕೇರಿ:…
ತಲಾ ೨,೫೦೦ ರೂ. ನೆರವಿನಂತೆ ಒಟ್ಟು ೧೨,೯೯,೩೦,೦೦೦ ರೂ. ಬಿಡುಗಡೆ ಚಾಮರಾಜನಗರ: ಮುಂಗಾರು ವೈಫಲ್ಯದಿಂದ ಜಿಲ್ಲೆಯ ಎಲ್ಲ ಐದು ತಾಲ್ಲೂಕುಗಳೂ…
ಬೆಂಗಳೂರು: ಬೆಂಗಳೂರಿನ ಐತಿಹಾಸಿಕ ಕುಮಾರಕೃಪಾ ಅತಿಥಿ ಗೃಹಕ್ಕೆ ‘ಗಂಗಾ’ ಎಂದು ಮರುನಾಮಕರಣ ಮಾಡಿರುವುದನ್ನು ವಿರೋಧಿಸಿ ಕನ್ನಡಪರ ಹೋರಾಟಗಾರ ವಾಟಾಳ್ ನಾಗರಾಜ್…