ಮೈಸೂರು ವಿಶ್ವವಿದ್ಯಾನಿಲಯದ ಪಿಎಚ್‌ಡಿ ಪ್ರವೇಶಾತಿ ಪರೀಕ್ಷೆಗೆ ಅರ್ಜಿ ಆಹ್ವಾನ

ಮೈಸೂರು: ಮೈಸೂರು ವಿಶ್ವವಿದ್ಯಾನಿಲಯದ 2024-25ನೇ ಶೈಕ್ಷಣಿಕ ಸಾಲಿನ ಪಿ.ಎಚ್‌ಡಿ ಪ್ರವೇಶಾತಿ ಪರೀಕ್ಷೆಗೆ ಅರ್ಜಿ ಆಹ್ವಾನಿಸಲಾಗಿದೆ.

ಪಿಎಚ್‌ಡಿ ಪರೀಕ್ಷೆಗೆ ಅರ್ಜಿ ಸಲ್ಲಿಸಲು ಬಯಸುವ ಅಭ್ಯರ್ಥಿಗಳು ಸ್ನಾತಕೋತ್ತರ ಪರೀಕ್ಷೆಯಲ್ಲಿ ಶೇ.55%ರಷ್ಟು ಅಂಕಗಳನ್ನು ಪಡೆದಿರಬೇಕು. ಪಿಎಚ್‌ಡಿ ಪ್ರವೇಶ ಪರೀಕ್ಷೆಯನ್ನು ಬರೆಯಲು ಅಂತಿಮ ಸೆಮಿಸ್ಟರ್‌ನಲ್ಲಿ ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿಗಳು ಅರ್ಹರಾಗಿರುತ್ತಾರೆ. ಅಲ್ಲದೆ ಈ ಪ್ರವೇಶ ಪರೀಕ್ಷೆಯನ್ನು 2017ರ ನಿಯಮಾವಳಿ ಅಡಿ ಸೆಕ್ಷನ್‌ 5.9ರ ಪ್ರಕಾರ ನಡೆಸಲಾಗುವುದು. ಪರೀಕ್ಷೆಯು ಪಾರ್ಟ್‌-ಎನಲ್ಲಿ 50 ಆಬ್‌ಜೆಕ್ಟೀವ್‌ ಮಾರ್ಕ್ಸ್‌ಗಳನ್ನು ಹೊಂದಿರುತ್ತದೆ. ಪಾರ್ಟ್‌-ಬಿ ನಲ್ಲಿ ಪ್ರಬಂಧ ರೀತಿಯ ಮತ್ತು ಕಿರು ಉತ್ತರದ 50 ಪ್ರಶ್ನೆಗಳನ್ನು ಹೊಂದಿದ್ದು, ಒಟ್ಟು 3 ಗಂಟೆಗಳ ಕಾಲ ಪ್ರವೇಶ ಪರೀಕ್ಷೆ ನಡೆಯಲಿದೆ.

ಅರ್ಹ ಅಭ್ಯರ್ಥಿಗಳಿಗೆ ಅರ್ಜಿ ಶುಲ್ಕ 2.5 ಲಕ್ಷಗಳ ಮಿತಿಯೊಳಗೆ ಆದಾಯವಿದ್ದರೆ ಎಸ್‌.ಸಿ, ಎಸ್‌ಟಿ ಮತ್ತು CAT-1 ವರ್ಗದ ಜನಾಂಗದವರಿಗೆ 1,250 ರೂ. ಇರುತ್ತದೆ. 2.5 ಲಕ್ಷಗಳ ಮೇಲೆ ಆದಾಯವನ್ನು ಹೊಂದಿರುವ ಎಸ್‌.ಸಿ., ಎಸ್‌.ಟಿ., CAT-1, ಒಬಿಸಿ ಹಾಗೂ ಸಾಮಾನ್ಯ ವರ್ಗದ ಅಭ್ಯರ್ಥಿಗಳಿಗೆ 2,500 ರೂ. ಪ್ರವೇಶಾತಿ ಶುಲ್ಕವಿರುತ್ತದೆ. ಆಸಕ್ತ ಅಭ್ಯರ್ಥಿಗಳು ಅಕ್ಟೋಬರ್‌ 4 ರಿಂದ 24ರವರೆಗೆ https://uni-mysore.ac.in ವೆಬ್‌ಸೈಟ್‌ ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ಹೆಚ್ಚಿನ ಮಾಹಿತಿಗಾಗಿ www.uni-mysore.ac.in ವೆಬ್‌ಸೈಟ್‌ ಅಥವಾ ದೂರವಾಣಿ ಸಂಖ್ಯೆ: 0821-2419438 ಅನ್ನು ಸಂಪರ್ಕಿಸಲು ತಿಳಿಸಲಾಗಿದೆ.