ಚಾ.ನಗರ ನೂತನ ಎಸ್ಪಿಯಾಗಿ ಪದ್ಮಿನಿ ಅಧಿಕಾರ ಸ್ವೀಕಾರ

ಚಾಮರಾಜನಗರ: ಜಿಲ್ಲೆಯ ನೂತನ ಪೊಲೀಸ್ ವರಿಷ್ಠಧಿಕಾರಿಯಾಗಿ ಪದ್ಮಿನಿ ಸಾಹೂ ಸೋಮವಾರ ಸಂಜೆ ಅಧಿಕಾರ ವಹಿಸಿಕೊಂಡರು. ನಿರ್ಗಮಿತ ಎಸ್ಪಿ ಟಿ.ಪಿ.ಶಿವಕುಮಾರ್ ಸಂಜೆ 5.15 ರಲ್ಲಿ ಪದ್ಮಿನಿ ಅವರಿಗೆ ಅಧಿಕಾರ ಹಸ್ತಾಂತರಿಸಿದರು.
ಪದ್ಮಿನಿ ಅವರು 2015ರ ಬ್ಯಾಚಿನ ಐಪಿಎಸ್ ಅಧಿಕಾರಿಯಾಗಿದ್ದು. ಈ ಮುಂಚೆ ಬೆಂಗಳೂರಿನಲ್ಲಿ ಅಸಿಸ್ಟೆಂಟ್ ಇನ್ಸ್‌ಪೆಕ್ಟರ್ ಜನರಲ್ ಆಫ್ ಪೊಲೀಸ್ ಅಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸಿದ್ದಾರೆ. ದಿವ್ಯಾಸಾರಾ ಥಾಮಸ್ ಅವರ ನಂತರ ಚಾ.ನಗರಕ್ಕೆ ಬಂದಿರುವ 2ನೇ ಮಹಿಳಾ ಎಸ್ಪಿಯಾಗಿದ್ದಾರೆ ಪದ್ಮಿನಿ ಸಾಹೂ ಅವರು.
ಟಿ.ಪಿ.ಶಿವಕುಮಾರ್ ಅವರು ಇಲ್ಲಿಗೆ ಎಸ್ಪಿಯಾಗಿ ಬಂದು ಜನವರಿಗೆ 1 ವರ್ಷವಾಗಿತ್ತು. ಅವರನ್ನು ಕೆಪಿಟಿಸಿಎಲ್‌ಗೆ ವರ್ಗಾಯಿಸಲಾಗಿದೆ.