ಬೆಂಗಳೂರು; ದಲಿತರ ಏಳಿಗೆಗೆ ಮೀಸಲಿಟ್ಟಿದ್ದ 431 ಕೋಟಿ ರೂ. ಹಣದ ದುರ್ಬಳಕೆಯಾಗಿದೆ. ಸಮಾಜ ಕಲ್ಯಾಣ ಇಲಾಖೆ, ಗಂಗಾ ಕಲ್ಯಾಣ ಇಲಾಖೆಯಲ್ಲಿ ಅಕ್ರಮ ನಡೆದಿದೆ ಎಂದು ಈ ಹಿಂದೆ ಆರೋಪ ಮಾಡಿದ್ದ ಮಾಜಿ ಸಚಿವ ಪ್ರಿಯಾಂಕ್‌ ಖರ್ಗೆ ಅವರು ಇದೀಗ ಮತ್ತೆ ರಾಜ್ಯ ಸರ್ಕಾರದ ವಿರುದ್ಧ ಆರೋಪ ಮಾಡಿದ್ದಾರೆ.
ಈ ಸಂಬಂಧ ಟ್ವೀಟ್‌ ಮಾಡಿರುವ ಅವರು, SC/ST ಸಮುದಾಯಗಳ ಕಲ್ಯಾಣಕ್ಕಾಗಿರುವ ಹಣವನ್ನು ಲೂಟಿಗೈದ ಈ ಸರ್ಕಾರ ದಲಿತ ಹಿಂದುಳಿದ ಸಮುದಾಯಗಳಿಗೆ ‘ಕಂಟಕ’ವಾಗಿದೆ. ಇವರದ್ದು ಸಮಾಜ ಕಲ್ಯಾಣವೂ ಅಲ್ಲ, ಗಂಗಾ ಕಲ್ಯಾಣವೂ ಅಲ್ಲ, ಇದು “ಸ್ವಯಂ ಕಲ್ಯಾಣ”
ದಲಿತರ ಏಳಿಗೆಗೆ ಮೀಸಲಿಟ್ಟ ₹431 ಕೋಟಿಯನ್ನು ಅನಾಮತ್ತಾಗಿ ತಿಂದು ಹಾಕಿದ ಈ ಸರ್ಕಾರದ ಭ್ರಷ್ಟಾಚಾರ ಕರ್ನಾಟಕಕ್ಕೆ ದೊಡ್ಡ ‘ಶಾಪ’ದಂತಾಗಿದೆ ಎಂದಿದ್ದಾರೆ.
