ಬೆಂಗಳೂರು: ಡಾ.ಬಿ.ಆರ್‌. ಅಂಬೇಡ್ಕರ್‌ ಅವರ ಮೇಲೆ ಪ್ರೀತಿ, ಅಭಿಮಾನ ಇಟ್ಟುಕೊಂಡ ಜನತೆ ದೇಶದಲ್ಲಿ ಬೃಹತ್‌ ಪ್ರಮಾಣದಲ್ಲಿ ಸಿಗುತ್ತಾರೆ. ಇದಕ್ಕೆ ಕಾರಣ ಅವರು ದೇಶಕ್ಕೆ, ದೇಶದ ಶೋಷಿತ, ಹಿಂದುಳಿದ ಸಮಾಜಕ್ಕೆ ಶ್ರೀ ಸಾಮಾನ್ಯನಿಗೆ ಮಾಡಿದ ಉಪಕಾರ. ಅವರು ಸಂವಿಧಾನ ಕರಡು ರಚನಾ ಸಮಿತಿಯ ಅಧ್ಯಕ್ಷರಾಗಿ ಮಾಡಿದ ಕಾರ್ಯಗಳು ಅನುಪಮ. ವಿಶ್ವದಲ್ಲಿಯೇ ಅತ್ಯಂತ ಸದೃಢ ಸಂವಿಧಾನವನ್ನು ನೀಡಿದ್ದು ಅವರ ಹೆಗ್ಗಳಿಕೆ.
ಈ ಪ್ರೀತಿಗಾಗಿಯೇ ಸಾಕಷ್ಟು ಜನರು ಅಂಬೇಡ್ಕರ್‌ ಅವರ ಮೇಲಿನ ಪ್ರೀತಿಯನ್ನು ಬೇರೆ ಬೇರೆ ರೀತಿಯಲ್ಲಿ ವ್ಯಕ್ತಪಡಿಸುತ್ತಲೇ ಇರುತ್ತಾರೆ. ಅದೇ ರೀತಿ ಡಾ.ಬಿ. ಕಾರ್ತಿಕ್‌ ನವ್ಯನ್‌ ಎನ್ನುವ ವಕೀಲರು ತಮ್ಮ ಹೊಸ ಮನೆಯ ಬಾಗಿಲಲ್ಲಿ ಅಂಬೇಡ್ಕರ್‌ ಅವರು ಅರಳಿ ನಿಲ್ಲುವಂತೆ ಮಾಡಿದ್ದಾರೆ. ಇದನ್ನು ಇವರು ತಮ್ಮ ಸೋಷಲ್‌ ಮೀಡಿಯಾ ಅಕೌಂಟ್‌ಗಳಲ್ಲಿ ಹಂಚಿಕೊಂಡಿದ್ದು, ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿದೆ.
