ಬೆಂಗಳೂರು: ಏಪ್ರಿಲ್‌ 14ರಂದು ತೆರೆಗೆ ಬಂದ ಕೆಜಿಎಫ್‌ ಚಾಪ್ಟರ್‌ 2 ಚಿತ್ರ ಇದೀಗ 50 ದಿನಗಳನ್ನು ಯಶಸ್ವಿಯಾಗಿ ಪೂರೈಸಿ, 100ನೇ ದಿನದತ್ತ ಮುನ್ನುಗ್ಗುತ್ತಿದೆ. ಚಿತ್ರದ ಈ ಯಶಸ್ಸನ್ನು ಚಿತ್ರತಂಡ ಸಂಭ್ರಮದಿಂದ ಸ್ವಾಗತಿಸಿದ್ದು, ಇಡೀ ತಂಡ 50 ದಿನಗಳ ಗೆಲುವನ್ನು ಆಚರಿಸುತ್ತಿದೆ.
ಈಗಾಗಲೇ ಎಲ್ಲ ಕಡೆ 50ನೇ ದಿನ ಪೊಸ್ಟರ್‌ ಎಲ್ಲ ಕಡೆ ವೈರಲ್‌ ಆಗಿದೆ. ನಿರ್ಮಾಪಕ ವಿಜಯ್‌ ಕಿರಗಂದೂರು ಅವರು ಟ್ವೀಟ್‌ ಮಾಡಿ ಮಾನ್ಸ್ಟರ್ ಮನರಂಜನೆಯ ಈ ಹೊಸ ಯುಗವನ್ನು ನಮ್ಮೊಂದಿಗೆ ಆಚರಿಸಿದ್ದಕ್ಕೆ ಧನ್ಯವಾದಗಳು. ನಿಮ್ಮ ಎಲ್ಲ ಬೇಷರತ್ತಾದ ಪ್ರೀತಿ ಮತ್ತು ಅಚಲವಾದ ಬೆಂಬಲವಿಲ್ಲದೆ, ಇದು ಸಾಧ್ಯವಾಗುತ್ತಿರಲಿಲ್ಲ. ಹೆಚ್ಚು ಸದ್ದು ಮಾಡೋಣ ಮತ್ತು ಮಾನ್ಸ್ಟರ್ ಅನ್ನು ಆಚರಿಸೋಣ ಎಂದು ಅಭಿಮಾನಿಗಳೊಂದಿಗೆ ತಮ್ಮ ಸಂತಸ ಹಂಚಿಕೊಂಡಿದ್ದಾರೆ.
