ಮಿಲೆನಿಯಂ ಯುವ ಸಂಕುಲಕ್ಕೆ 2025ರ ಸಂದೇಶ

ನಾ. ದಿವಾಕರ

ಮಾನವ ಸಮಾಜ 21ನೇ ಶತಮಾನದ ಮೊದಲ 25 ವರ್ಷಗಳನ್ನು 2025ರಲ್ಲಿ ದಾಟಲಿದೆ. ಇಡೀ ಜಗತ್ತು ಡಿಜಿಟಲ್ ಕ್ರಾಂತಿಯ ಪರಿಣಾಮವಾಗಿ ಅತಿ ವೇಗದಿಂದ ಚಲಿಸುತ್ತಿರುವಂತೆ ಕಂಡರೂ, ಆಂತರಿಕವಾಗಿ ಪ್ರತಿಯೊಂದು ಸಮಾಜವೂ ಮನುಜ ಸೂಕ್ಷ್ಮತೆ ಮತ್ತು ಸಂವೇದನೆಗಳ ನೆಲೆಯಲ್ಲಿ ಜಡಗಟ್ಟಿದಂತೆ ತೋರುತ್ತಿದೆ.

ನವ ಉದಾರವಾದಿ ಬಂಡವಾಳಶಾಹಿಯ ವಿಸ್ತರಣಾವಾದ ಮತ್ತು ಇದಕ್ಕೆ ಪೂರಕವಾದ ಬಲಪಂಥೀಯ ನಿರಂಕುಶಾಽಕಾರದ ಆಳ್ವಿಕೆಗಳ ಪರಿಸರದಲ್ಲಿ ಬದುಕು ಸವೆಸುವಂತಾಗಿದೆ. ವಿಕಸಿತ ಭಾರತವೂ ಇದಕ್ಕೆ ಹೊರತಾಗಿಲ್ಲ ಎನ್ನುವುದು ದಿಟ. ಈ ವಿಷಮ ಸನ್ನಿವೇಶದಲ್ಲಿ ಭಾರತದ ಮಿಲೆನಿಯಂ ಜನಸಂಖ್ಯೆ, ಅಂದರೆ 25 ವರ್ಷದೊಳಗಿನ ಬೃಹತ್ ಯುವ ಸಮೂಹ, ತನ್ನ ಭವಿಷ್ಯದ ದಿನಗಳಿಗಾಗಿ ಅನುಸರಿಸಬೇಕಾದ ಹಾದಿ ಮತ್ತು ಅನುಕರಿಸಬೇಕಾದ ಆದರ್ಶಗಳು ಮಸುಕಾಗಿರುವುದನ್ನು ಕಾಣುತ್ತಿದೆ. ಈ ಸಮುದಾಯವು 2025ರಲ್ಲಿ ನಡೆಯಬೇಕಾದ ದಾರಿ ಯಾವುದು? ಭಾರತೀಯ ಸಮಾಜ ಸಾಗುತ್ತಿರುವ ದಾರಿಯನ್ನು ಗಮನಿಸಿದರೆ ಅಲ್ಲಿ ಹಲವು ದಶಕಗಳ ಪರಿಶ್ರಮದಿಂದ ಎರಡು ತಲೆಮಾರುಗಳು ನಿರ್ಮಿಸಿದ ಮೈಲಿಗಲ್ಲುಗಳನ್ನು, ಐದು ದಶಕಗಳ ತಾತ್ವಿಕ-ಸೈದ್ಧಾಂತಿಕ ನೆಲೆಗಳೆಲ್ಲವನ್ನೂ ಹಂತಹಂತವಾಗಿ ಶಿಥಿಲವಾಗಿಸುವ ಒಂದು ಸಾಂಸ್ಕ ತಿಕ ರಾಜಕಾರಣ ವರ್ತಮಾನದ ಮಿಲೆನಿಯಂ ಮಕ್ಕಳನ್ನು ನಿರ್ದೇಶಿಸುತ್ತಿದೆ.

ಈ ವಿಕೃತ ಹಾದಿಯಲ್ಲಿ ಸ್ಥಾವರಗಳು ನೆಲಸಮವಾಗುತ್ತಿರುವಂತೆಯೇ ಜಂಗಮವೆಲ್ಲವೂ ಮತ್ತೊಮ್ಮೆ ಸ್ಥಾವರವಾಗಿ ರೂಪಾಂತರಗೊಂಡು, ಸಾಂಸ್ಥೀಕರಣಕ್ಕೊಳ ಗಾಗುತ್ತಿವೆ. ಈ ಮಕ್ಕಳ ದುರದೃಷ್ಟವೆಂದರೆ ಅಧ್ಯಾತ್ಮ, ಧರ್ಮ, ಸಂಸ್ಕ ತಿ, ಸಮಾಜ ಮತ್ತು ರಾಜಕಾರಣ ಈ ಐದೂ ಭೌತಿಕ ನೆಲೆಗಳಲ್ಲಿ ಅನುಕರಣೀಯ ಎನ್ನಬಹುದಾದ ಮಾದರಿ ವ್ಯಕ್ತಿತ್ವಗಳನ್ನು ಸೃಜಿಸುವುದರಲ್ಲಿ ೭೫ ವರ್ಷಗಳ ಭಾರತೀಯ ಗಣತಂತ್ರ ಸೋತಿದೆ. ಸ್ವಾಭಾವಿಕವಾಗಿಯೇ ಈ ಮಕ್ಕಳು ಸ್ವಾತಂತ್ರ್ಯಪೂರ್ವದ ಮತ್ತು 1950ರ ದಶಕದ ದಾರ್ಶನಿಕರ ಕಡೆಗೆ ನೋಡಬೇಕಿದೆ. ಠಾಗೋರ್, ವಿವೇಕಾನಂದ, ಗಾಂಧಿ, ಅಂಬೇಡ್ಕರ್ ಮತ್ತು ಮಾರ್ಕ್ಸ್ ಈ ದಾರ್ಶನಿಕರು ಬಿಟ್ಟುಹೋದ ಹಾದಿಯಲ್ಲೇ ಸಾಗಬೇಕಿದೆ. ಹೊಸ ವರ್ಷದ ಸವಾಲುಗಳು : ಮೊದಲನೆಯದು ಚಾರಿತ್ರಿಕ ಸತ್ಯವನ್ನು ಸಮಾಧಿ ಮಾಡುತ್ತಾ, ಮಿಥ್ಯೆಗಳನ್ನೇ ಸತ್ಯವಾಗಿಸುತ್ತಾ ಇಡೀ ಸಮಾಜವನ್ನು ಆವರಿಸುತ್ತಿರುವ ಸತ್ಯೋತ್ತರ ಯುಗದ ಬೌದ್ಧಿಕ ಸಾಮ್ರಾಜ್ಯವನ್ನು ಮಿಲೆನಿಯಂ ಮಕ್ಕಳು ವಿಮರ್ಶಾತ್ಮಕವಾಗಿ ಎದುರಿಸಬೇಕಿದೆ.

ಡಿಜಿಟಲ್ ಕ್ರಾಂತಿಯು ಜಗತ್ತಿನ ಎಲ್ಲ ಆಗುಹೋಗುಗಳನ್ನು ಮತ್ತು ಎಲ್ಲ ಬೌದ್ಧಿಕ ಪರಿಕರಗಳನ್ನು ಕ್ಷಣಮಾತ್ರದಲ್ಲಿ ಅಂಗೈ ಮೇಲಿನ ಆಂಡ್ರಾಯ್ಡ್ ಮೊಬೈಲ್ ಮೂಲಕ ತಲುಪಿಸುವ ಮೂಲಕ ಮಿಲೆನಿಯಂ ಮಕ್ಕಳನ್ನು ಸಮ್ಮೋಹನಕ್ಕೊಳಪಡಿಸಿದೆ. ಈ ಭ್ರಾಮಕ ಜಗತ್ತಿನಲ್ಲಿ ಸೃಷ್ಟಿಯಾಗುತ್ತಿರುವ ಮಾಹಿತಿ ಮತ್ತು ಅದನ್ನು ಮುಂದಕ್ಕೊಯ್ಯುವ ತಂತ್ರಜ್ಞಾನ ಈ ಮಕ್ಕಳಲ್ಲಿ ಸೃಜಿಸಿರುವ ಭ್ರಮಾಽನತೆ ಅವರನ್ನು ಪರಾಽನತೆಯತ್ತ ದೂಡುತ್ತಿರುವುದು ಆತಂಕಕಾರಿ ಬೆಳವಣಿಗೆಯಾಗಿದೆ. ಎರಡನೆಯದಾಗಿ, ವರ್ತಮಾನದ ಭಾರತದಲ್ಲಿ ವಿಜ್ಞಾನ ಮತ್ತು ತಂತ್ರಜ್ಞಾನ ತನ್ನ ಉತ್ತುಂಗ ತಲುಪಿದೆ. ಮತ್ತೊಂದೆಡೆ ಡಿಜಿಟಲ್ ತಂತ್ರಜ್ಞಾನದಲ್ಲಿ ವಿಶ್ವ ಮಾನ್ಯವಾಗುವತ್ತ ಹೊರಟಿರುವ ಭಾರತದ ಡಿಜಿಟಲ್ ಪಾವತಿ ಪದ್ಧತಿ ಯುಪಿಐ ವಿಶ್ವಕ್ಕೆ ಭಾರತದ ಕೊಡುಗೆಯಾಗಿರುವುದು ಹೆಮ್ಮೆಯ ವಿಚಾರ. ಆದರೆ ಈ ಸಂಭ್ರಮದ ನಡುವೆಯೇ ಹಿಂತಿರುಗಿ ನೋಡಿದಾಗ, ಬೆನ್ನ ಹಿಂದಿನ ವಾಸ್ತವಗಳು ಆಧುನಿಕತೆಯನ್ನೇ ಅಣಕಿಸುವಂತೆ ಕಾಣುತ್ತದೆ. ಜಾತಿ ಆಧಾರಿತ, ಲಿಂಗಾಧಾರಿತ ತಾರತಮ್ಯ ಮತ್ತು ದೌರ್ಜನ್ಯಗಳು ಬರುಬರುತ್ತಾ ಸಾಂಸ್ಥೀಕರಣಗೊಳ್ಳುತ್ತಿರುವುದನ್ನು, ಸಮಾಜ ಪ್ರಾಚೀನತೆಯತ್ತ ಜಾರುತ್ತಿರುವುದನ್ನೂ ಗಮನಿಸಬೇಕಿದೆ.

ಮೂರನೆಯದಾಗಿ, ಶತಮಾನಗಳಿಂದಲೂ ಭಾರತೀಯ ತಳಸಮಾಜ ವನ್ನು, ಕಾಡುತ್ತಿರುವ ಶ್ರೇಣೀಕೃತ ಜಾತಿ ವ್ಯವಸ್ಥೆಯ ಎಲ್ಲ ಆಯಾಮಗಳೂ ಕಳೆದ ಹತ್ತು ವರ್ಷಗಳಲ್ಲಿ ಮರುಹುಟ್ಟು ಪಡೆದಿವೆ. ಸಂವಿಧಾನವೇ ನಿಷೇಽ ಸಿರುವ ಅಸ್ಪೃಶ್ಯತೆಯಂತಹ ಅಮಾನುಷ ಆಚರಣೆಗಳಿಗೆ ಸಾಕ್ಷಿಯಾಗುತ್ತಿದೆ. ಸಂವಿಧಾನದ ರಕ್ಷೆ ಪಡೆಯಲಿಚ್ಛಿಸುವ ಮಹಿಳಾ ಸಂಕುಲ ದೌರ್ಜನ್ಯ, ತಾರತಮ್ಯ, ಚಿತ್ರಹಿಂಸೆ, ಕಿರುಕುಳ, ಅಸಹಜ ಸಾವು ಮತ್ತು ಅತ್ಯಾಚಾರದಂತಹ ಅಮಾನವೀಯ ನಡವಳಿಕೆಗಳಿಗೆ ಬಲಿಯಾಗುತ್ತಲೇ ಇದೆ. ಈ ಸಾಮಾಜಿಕ ವ್ಯಸನವನ್ನು ಕಾಪಾಡುವ ಪಿತೃಪ್ರಧಾನ ಮೌಲ್ಯಗಳು ಭಾರತೀಯ ಸಮಾಜದ ಪ್ರತಿ ಸ್ತರದಲ್ಲೂ ತಣ್ಣಗೆ ಅಡಗಿ ಕುಳಿತಿರುವುದು ಕಟು ವಾಸ್ತವ. ನಾಲ್ಕನೆಯದಾಗಿ ಮಿಲೆನಿಯಂ ಸಂಕುಲಕ್ಕೆ ಮಾರುಕಟ್ಟೆ ಆರ್ಥಿಕತೆ ಸೃಷ್ಟಿಸುತ್ತಿರುವ ಭ್ರಮಾಽನ ವಾತಾವರಣವೇ ಅಪಾಯಕಾರಿಯಾಗಿ ಕಾಣಬೇಕಿದೆ. ಬಡವ-ಶ್ರೀಮಂತರ ನಡುವಿನ ಅಂತರ ಹಿಗ್ಗುತ್ತಲೇ ಇರುವುದಷ್ಟೇ ಅಲ್ಲದೆ, ಪ್ರಾಚೀನ ಸಮಾಜದಲ್ಲಿದ್ದಂತೆ ಕೆಲವೇ ಜನರ ಶ್ರೀಮಂತಿಕೆಯನ್ನು ಬಹುಸಂಖ್ಯೆಯ ಜನರು ಒಪ್ಪಿಕೊಳ್ಳುವಂತಹ ಮನಸ್ಥಿತಿ ಇಂದು ಸುಶಿಕ್ಷಿತ ಸಮಾಜವನ್ನೂ ಆವರಿಸಿದೆ.

ಕಾರ್ಪೊರೇಟ್ ಮಾರುಕಟ್ಟೆ ಆರ್ಥಿಕತೆಯು ಕಳೆದ ಮೂರು ದಶಕಗಳಲ್ಲಿ ಹುಟ್ಟುಹಾಕಿರುವ ಮೇಲ್ಪದರ ಸಮಾಜ ಕೆಳಸ್ತರದ ಸಮಾಜದತ್ತ ತಿರುಗಿ ನೋಡದಂತಹ ಒಂದು ಬೌದ್ಧಿಕ ವಲಯವನ್ನು ಆಧುನಿಕ ಭಾರತ ಸೃಷ್ಟಿಸಿದೆ. ಮಿಲೆನಿಯಂ ಮಕ್ಕಳು ಈ ಬೌದ್ಧಿಕತೆಗೆ ಮುಖಾಮುಖಿಯಾಗಬೇಕಿದೆ. ಐದನೆಯದಾಗಿ, ಹೊರಜಗತ್ತಿಗೆ ಈಗ ಕಣ್ತೆರೆಯುತ್ತಿರುವ, 10-15 ವಯೋಮಾನದ, ಮಿಲೆನಿಯಂ ಮಕ್ಕಳಿಗೆ ನೈಜ ಇತಿಹಾಸವನ್ನು ತಿಳಿಸುವ, ವರ್ತಮಾನದ ವಾಸ್ತವಗಳನ್ನು ಮನದಟ್ಟು ಮಾಡುವ ಹಾಗೂ ಭವಿಷ್ಯದ ಹಾದಿಯನ್ನು ತೋರಿಸುವ ಬೌದ್ಧಿಕ ಜಗತ್ತು ಈಗ ಮರುಹುಟ್ಟು ಪಡೆಯಬೇಕಿದೆ. ಚಾರಿತ್ರಿಕ ಸತ್ಯಗಳನ್ನು ಸುಳ್ಳಾಗಿಸುವ, ಪೌರಾಣಿಕ ಮಿಥ್ಯೆಗಳನ್ನು ಸತ್ಯವಾಗಿಸುವ ಬೃಹತ್ ಸಂಸ್ಥೆಯೊಂದು ‘ವಾಟ್ಸಾಪ್ ವಿಶ್ವವಿದ್ಯಾನಿಲಯ’ದ ರೂಪದಲ್ಲಿ ಸಮಾಜದ ಕಟ್ಟಕಡೆಯ ಮಗುವನ್ನೂ ತಲುಪಲು ಶಕ್ಯವಾಗಿದೆ.

ದುರಂತ ಎಂದರೆ ಈ ಭ್ರಾಮಕ ಸಂಸ್ಥೆಯು ದೇಶದ ಪ್ರತಿಷ್ಠಿತ ವಿಶ್ವವಿದ್ಯಾನಿಲಯಗಳನ್ನೂ ಆಕ್ರಮಿಸಿದ್ದು, ವೈಚಾರಿಕ-ವೈಜ್ಞಾನಿಕ ಭೂಮಿಕೆಗಳನ್ನು ಶಿಥಿಲಗೊಳಿಸುತ್ತಿದೆ. ಆರನೆಯದಾಗಿ ಈ ಐದೂ ಬೆಳವಣಿಗೆಗಳನ್ನು ಸಮರ್ಥವಾಗಿ ನಿಯಂತ್ರಿಸುವುದೇ ಅಲ್ಲದೆ, ಆಳ್ವಿಕೆಯ ಕೇಂದ್ರಗಳ ಮೂಲಕ, ಸರ್ಕಾರಿ ಸಂಸ್ಥೆಗಳ ಮೂಲಕ ಹಾಗೂ ಬೌದ್ಧಿಕ ಕೇಂದ್ರಗಳ ಮೂಲಕ ನಿರ್ದೇಶಿಸುವ ಸಾಂಸ್ಕೃತಿಕ ಪ್ರಪಂಚವೊಂದನ್ನು ಕಳೆದ ಹತ್ತು ವರ್ಷಗಳಲ್ಲಿ ನಿರ್ಮಿಸಲಾಗಿದೆ. ರಂಗಭೂಮಿಯಂತಹ ಸೃಜನಶೀಲ ವೇದಿಕೆಗಳೂ ಇದಕ್ಕೆ ಬಲಿಯಾಗಿರುವುದನ್ನು ಕಂಡಿದ್ದೇವೆ. ಈ ನಿರ್ದೇಶಕ ತತ್ವಗಳು ಮಿಲೆನಿಯಂ ಮಕ್ಕಳನ್ನು ವರ್ತಮಾನಕ್ಕೆ ಕುರುಡಾಗಿಸಿ, ಇತಿಹಾಸಕ್ಕೆ ವಿಮುಖವಾಗಿಸುವಲ್ಲಿ ಯಶಸ್ವಿಯಾಗಿವೆ. ಹಾಗಾಗಿಯೇ ಇಲ್ಲಿ ಗಾಂಽ, ನೆಹರೂ, ಅಂಬೇಡ್ಕರ್, ಮಾರ್ಕ್ಸ್ ಎಲ್ಲರೂ ‘ವ್ಯಸನವಾಗಿ’ ಅಥವಾ ‘ಫ್ಯಾಶನ್’ ಆಗಿ ಕಾಣಲಾರಂಭಿಸುತ್ತಾರೆ.

ಕೊಂಚ ಹಿಂತಿರುಗಿ ನೋಡೋಣ: ಈ ಸಂಕೀರ್ಣ ಸನ್ನಿವೇಶದಲ್ಲಿ ಮಿಲೆ ನಿಯಂ ಮಕ್ಕಳು ಯಾರ ಕಡೆ ನೋಡಬೇಕು? ಕೇವಲ ಐದಾರು ದಶಕಗಳ ಹಿಂದೆ, 1960-70ರ ಸಮಯದಲ್ಲಿ, ನಮ್ಮ ಸಮಾಜ ಹೇಗಿತ್ತು ಎಂದು ಹೇಳಿದರೆ ಇಂದಿನ ಮಕ್ಕಳಿಗೆ ಅದೊಂದು ಜಾತಕ ಕತೆಯಂತೆ ಕೇಳಿಸಬಹುದು. ಆದರೆ ಈ ಮಕ್ಕಳಿಗೆ ಅಂದಿನ ಸಮಾಜದ ಸೌಹಾರ್ದತೆ, ಸಮನ್ವಯತೆ ಮತ್ತು ಕೂಡಿಬಾಳುವ ಮನಸ್ಥಿತಿಯನ್ನು ಕೂರಿಸಿ ಹೇಳುವ ಜವಾಬ್ದಾರಿ ಹಿರಿ ತಲೆಮಾರಿನ ಮೇಲಿದೆ. ಈ ಅವಧಿಯಲ್ಲೂ ಭಾರತೀಯ ಸಮಾಜವನ್ನು ಇಂದು ಕಾಡುತ್ತಿರುವ ಎಲ್ಲ ಅಪಸವ್ಯಗಳೂ, ಅಮಾನುಷತೆಗಳೂ ಜೀವಂತವಾಗಿದ್ದವು. ಆದರೆ ಅಲ್ಲೊಂದು ಸುಂದರವಾದ ಅಂಗಳ ಇತ್ತು. ಅಲ್ಲಿ ಮುಳ್ಳಿನ ಬೇಲಿಗಳ ನಡುವೆಯೇ ನಳನಳಿಸುವ ಹೂಗಿಡಗಳಿದ್ದವು. ಸುವಾಸಿತ ಹೂಗಳು ವಾತಾವರಣವನ್ನು ತಿಳಿಗೊಳಿಸುವಂತಿರುತ್ತಿದ್ದವು. ಅಂದು ‘ಮಾದರಿ- ಅನುಕರಣೀಯ’ ಎನ್ನಬಹುದಾದ ರಾಜಕೀಯ-ಸಾಂಸ್ಕ ತಿಕ ವ್ಯಕ್ತಿತ್ವಗಳಿದ್ದವು, ಸಾಮಾಜಿಕ ಚಿಂತನಾವಾಹಿನಿಗಳು ಸಾಂಸ್ಥಿಕವಾಗಿ-ಸಾಂಕವಾಗಿ ಅಸ್ತಿತ್ವದಲ್ಲಿದ್ದವು.

ಈ ಪ್ರಪಂಚವನ್ನು ಮಿಲೆನಿಯಂ ಮಕ್ಕಳೆದುರು ತೆರೆದಿಟ್ಟು, ‘ನೋಡಿ ಮಕ್ಕಳೇ ನಾವು ಹೀಗೂ ಬದುಕಿದ್ದೆವು’ ಎಂದು ಹೇಳಬೇಕು. ಈ ಪ್ರಯತ್ನವನ್ನೂ ಹಾಳುಮಾಡುವ ದುಷ್ಟ ಶಕ್ತಿಗಳು ಸುತ್ತಲೂ ಆವರಿಸಿ ರುವ ಹೊತ್ತಿನಲ್ಲಿ ಇದು ಸಾಧ್ಯವೇ ಎಂಬ ಪ್ರಶ್ನೆಯೂ ಉದ್ಭವಿಸದಿರದು. ಆದರೆ ಪ್ರತಿಯೊಂದು ಮನೆಯಲ್ಲೂ ಇರಬಹುದಾದ ಆ ಕಳೆದುಹೋದ ಪ್ರಪಂಚದ ಪ್ರತಿನಿಽಗಳು ಇದನ್ನು ನಾಲ್ಕು ಗೋಡೆಗಳ ನಡುವೆಯೇ ಮಾಡಬಹುದು. ಈ ತಲೆಮಾರಿನ ವ್ಯಕ್ತಿಗಳು ಯಾವುದೇ ಸೈದ್ಧಾಂತಿಕ ಸೂತ್ರಗಳಿಗೊಳಗಾಗದೆ ಈ ಕೆಲಸ ಮಾಡಬಹುದು. ಸಾಮಾಜಿಕ ನ್ಯಾಯ ಮತ್ತು ಸಾಂವಿಧಾನಿಕ ಹಕ್ಕುಗಳಿಗಾಗಿ ಹೋರಾಡುತ್ತಿರುವ ಸಂಘಟನೆಗಳು ಈ ಪ್ರಯತ್ನ ಮಾಡಬಹುದು. ಆಗ ಮಿಲೆನಿಯಂ ಮಕ್ಕಳಲ್ಲಾದರೂ ಈಗ ವ್ಯಾಪಕವಾಗಿರುವ ಸ್ತ್ರೀ ದ್ವೇಷದ ಭಾವನೆಗಳನ್ನು, ಪಿತೃಪ್ರಧಾನ ಮೌಲ್ಯಗಳನ್ನು, ಯಜಮಾನಿಕೆಯ ಧೋರಣೆ ಗಳನ್ನು, ಜಾತಿ ಶ್ರೇಷ್ಠತೆ-ಮೇಲರಿಮೆಗಳನ್ನು ಇಲ್ಲವಾಗಿಸಬಹುದು. ಈ ಕೈಂಕರ್ಯಕ್ಕಾಗಿ ಯಾವ ಸೈದ್ಧಾಂತಿಕ ಚೌಕಟ್ಟೂ ಅತ್ಯವಶ್ಯವೇನಲ್ಲ. ಆದಿಕವಿ ಪಂಪನಿಂದ ರಾಷ್ಟ್ರಕವಿ ಕುವೆಂಪು ವರೆಗೆ ಹರಿದು ಬಂದಿರುವ ‘ಮನುಷ್ಯ ಜಾತಿ ತಾನೊಂದೇ ವಲಂ’ ಎಂಬ ನಾಲ್ಕು ಪದಗಳೇ ಸಾಕಲ್ಲವೇ? ಇಂತಹ ಒಂದು ಪಾಠಶಾಲೆಯನ್ನು ನಮ್ಮ ಮನೆಗಳೊಳಗೆ, ಮನೆ ಯಂಗಳಗಳಲ್ಲಿ, ಸುತ್ತಲಿನ ಬಯಲಿನಲ್ಲಿ ತೆರೆಯಲು ಹಿರಿಯ ತಲೆಮಾರು ಮುಂದಾಗಬೇಕಿದೆ. ಇಲ್ಲವಾದರೆ ಇತಿಹಾಸ ನಮ್ಮನ್ನು ಕ್ಷಮಿಸುವುದಿಲ್ಲ. ಈ ಎಚ್ಚರಿಕೆಯೊಂದಿಗೆ ಹೊಸ ವರ್ಷವನ್ನು ಸ್ವಾಗತಿಸೋಣ ಎಲ್ಲರಿಗೂ ಶುಭ ಕೋರೋಣ. 2025 – ಹೊಸ ವರ್ಷದ ಹಾರ್ದಿಕ ಶುಭಾಶಯಗಳು.